添好運點心專門店

营业中

休息中

今次终於嘗到最差嘅摘“星”食店。眼見滿場遊客，個待應仲問我識唔識睇中文menu (唔知我係似賓賓定ABC 呢？！) ，食完呢餐堅感覺d遊客俾d旅遊書呃，而又唔明究竟係米豬星有問題定係添添嘅質素下滑呢？！首先制度好有問題，追加点心只可加一次，即係点呀？！追加完食唔飽都逼你埋單，然後再走出去排隊再入嚟食？ 然後又寫到明即叫即蒸，但樣樣嘢嚟到都係凍嘅！！ 蝦餃 - 除咗皮厚，我無嘢再講！ 糯米雞 - 除咗成隻係凍嘅之外，我無嘢再講！ 煎籮白糕 - 除咗凍同無籮白味之外，我無嘢再講！ 叉燒包 - 呢個算正常，因為係熱嘅！仲有鮑汁鳳爪同潮州粉果。因為經已好失望，所以連相都無影。都係得果句 ; 凍同埋皮厚！最慘係d茶都係凍嘅！ 無可否認佢係平，平得嚟就算唔好味都要d食物熱先得嫁。