影片
更多
2022-01-15
1038 浏览
特登揸车过嚟买外卖， OpenRice嘅时间有啲唔啱，其实佢冇落场，下午4:00都系有营业。虽然只系两个人食，但系样样都想食，一场嚟到，就买多啲。左上：马拉盏炒芥兰，因为车程比较远，所以焗到有啲黄同淋，但系味道不错，其实马拉盏系咪即系虾米？佢系有虾米嘅，好香好惹味。左下：蒜蓉牛油鸡翼（半份），半份都有5只，但鸡翼不大只，这个可以但不属于出众，40几蚊，抵食的。右上：香茅猪扒拼鸡翼，原本系想拼肉饼，不过肉饼卖晒，都好在拼咗鸡翼，如果全盒都系猪扒真系顶唔顺，𠮶两块猪扒又柴又硬，超难食。鸡翼唔错。右中；串烧沙嗲牛猪鸡，三样都好好食，出奇地串烧猪肉就冇猪扒𠮶个问题，一啲都唔鞋，沙嗲汁不辣，几香花生味。右下：越式拼盘，个底仲有熏蹄扎肉同埋鱼饼，呢个拼盆80几蚊好抵食，入边个鱼饼好香，唔知系咪柠檬叶，总之好好食。全部嘢夹埋$320，性价比高，味道中上，分量多，下次再去会记住唔好食猪扒。
虽然只系两个人食，但系样样都想食，一场嚟到，就买多啲。
左上：马拉盏炒芥兰，因为车程比较远，所以焗到有啲黄同淋，但系味道不错，其实马拉盏系咪即系虾米？佢系有虾米嘅，好香好惹味。
左下：蒜蓉牛油鸡翼（半份），半份都有5只，但鸡翼不大只，这个可以但不属于出众，40几蚊，抵食的。
右上：香茅猪扒拼鸡翼，原本系想拼肉饼，不过肉饼卖晒，都好在拼咗鸡翼，如果全盒都系猪扒真系顶唔顺，𠮶两块猪扒又柴又硬，超难食。鸡翼唔错。
右中；串烧沙嗲牛猪鸡，三样都好好食，出奇地串烧猪肉就冇猪扒𠮶个问题，一啲都唔鞋，沙嗲汁不辣，几香花生味。
右下：越式拼盘，个底仲有熏蹄扎肉同埋鱼饼，呢个拼盆80几蚊好抵食，入边个鱼饼好香，唔知系咪柠檬叶，总之好好食。
全部嘢夹埋$320，性价比高，味道中上，分量多，下次再去会记住唔好食猪扒。
张贴
