影片
更多
2016-04-02
1943 浏览
老婆对源记有份不解之缘，佢话后生嘅时候食过源记嘅桑寄生莲子蛋茶，对其味道一直念念不忘，今日就趁住去薄扶林扫墓，就专登少少由坚尼地城坐港铁过嚟西营盘嘅源记，当喺食番个甜蜜蜜糖水下午茶 。嚟到门面，老婆都差啲唔认得，因为对比以前，佢话新簇咗好多，入到铺内，更喺光猛洁净，完全无老店嘅感觉，但格局都仲喺老派𠮶款，细圆枱，小卡位，餐厅尾就喺开放式厨房。餐牌就晌枱上嘅玻璃之下，咪睇横排一列糖水好似好多款式，嚟嚟去去都只喺桑寄生、合桃露、杏仁露3款主打（$31-37），另外加埋芝麻糊、红豆沙及绿豆沙（$23-35），不外乎净食，加莲子、鸡蛋嘅配搭，比一般中式糖水铺定价亦唔平得去边。 桑寄生莲子蛋茶 $35 唯一仲保存咗较浓烈嘅怀旧味道相信就喺只万寿无疆碗加埋垫底只不锈钢「穿窿」碟，原来加只碟大有原因，就喺唔使直接攞起只碗，唔怕辣亲手 。睇番吓以前间铺喺点样，无意间发觉旧年嘅3月都仲喺卖$31，一年间加咗$4，几蚊鸡唔算多，但计比例就已经喺十几个巴仙 ，唔知喺咪执执个门面就加番个成本落去。桑寄生色泽黝黑沉实，却喺黑而不浊，饮落好清香嘅桑寄生味，唔会得层死甜；而去芯莲子入口松化，无苦味，份量
嚟到门面，老婆都差啲唔认得，因为对比以前，佢话新簇咗好多，入到铺内，更喺光猛洁净，完全无老店嘅感觉，但格局都仲喺老派𠮶款，细圆枱，小卡位，餐厅尾就喺开放式厨房。
餐牌就晌枱上嘅玻璃之下，咪睇横排一列糖水好似好多款式，嚟嚟去去都只喺桑寄生、合桃露、杏仁露3款主打（$31-37），另外加埋芝麻糊、红豆沙及绿豆沙（$23-35），不外乎净食，加莲子、鸡蛋嘅配搭，比一般中式糖水铺定价亦唔平得去边。
桑寄生莲子蛋茶 $35 唯一仲保存咗较浓烈嘅怀旧味道相信就喺只万寿无疆碗加埋垫底只不锈钢「穿窿」碟，原来加只碟大有原因，就喺唔使直接攞起只碗，唔怕辣亲手 。睇番吓以前间铺喺点样，无意间发觉旧年嘅3月都仲喺卖$31，一年间加咗$4，几蚊鸡唔算多，但计比例就已经喺十几个巴仙 ，唔知喺咪执执个门面就加番个成本落去。
桑寄生色泽黝黑沉实，却喺黑而不浊，饮落好清香嘅桑寄生味，唔会得层死甜；而去芯莲子入口松化，无苦味，份量十足；至于只鸡蛋，咬开一睇浸到入晒色，绝对唔喺就咁烚完加只蛋咁简单，所以，整体算喺交足货 。不过，老婆嘅评价话喺水准不复当年，桑寄生嘅味道无以前咁香浓，鸡蛋嘅质感亦比较实。
窝蛋杏仁露 $35 老婆要咗桑寄生，咁小弟一喺要合桃露，一喺要杏仁露，爱贪得意，未试个加窝蛋，店员仲特别提醒喺生蛋嚟，放心啦，中学阶段窝蛋牛肉饭喺我嘅心水饭，平靓正，快上快落，食完可以「咋咋淋」去打波，窝蛋一词绝对知喺咩事。佢咁讲，相信有啲盲炳应该唔知窝蛋喺乜乱咁叫 。
担心合桃露沟蛋个色好古怪，所以，最后要咗窝蛋杏仁露，纯白嘅杏仁露中就放有一只生鸡蛋，搅匀之后，成碗似喺炖蛋咁款。味道会喺点呢？讲真，同食杏仁露又好似无咩分别，杏仁嘅香味仍然晌度，但又唔见好有蛋香，口感都仲喺有啲稀，无预期咁特别。
鸡蛋糕 $8 晌枱面印有一张专访，标题「清香鸡蛋糕名人至爱」，不过，讲到失望就要数到件鸡蛋糕。
首先，件鸡蛋糕好干，干到好似摆咗几日𠮶种干，笃落去时无回弹力，口感绝对唔松软；入口真喺唔太知何来清香，完全无鸡蛋味 ，我同老婆都喺咁觉得。好明显小弟做唔成名人啰，件鸡蛋糕真喺唔太识欣赏，或许喺以前嘅人怀旧嘅口味就喺咁。
老婆卒之一解千愁，隔咗咁多件过嚟了咗件心事；源记，相信对小弟而言，应该只有此次一面之「源」，因为，我觉得我老婆煲嘅桑寄生真喺好过佢㖞！
张贴
