Cafe Hillywood (已結業)

去听演唱会前揾食, 记得系多个月前经过柯士甸, 有间地库的新餐厅开张, 但个时我地已食饱了, 今天正好俾我地去试下....落到餐厅的感觉都好大, 系中间佢放空做左 reception, 一面系 open kitchen, 另一面就系放餐枱, 但感觉枱与枱之间都几密下 (如果真系坐满)。当日七点几去到时, 已经差不多有八成满!我地叫左个小食, 炸蕃薯条, 微暖, 觉得蕃著唔够甜, 如果加少许七味粉调下味, 会好味啲..佢menus 写全部意粉都系自己手制, 所以我地都叫左个肉丸意粉, 有三大粒肉丸, 肉丸一啲都唔弹牙, 感觉似系一堆肉搓圆佢就算咁, 好一般, 意粉系阔条面既size, 反而个意粉质感唔错, 有少许弹牙, 唔会煮得过熟过淋!另外再点左个黑松露杂菌意大利饭, 个饭都够cream, 唔会太硬, 个心都已经煮到软软地, 但系黑松露唔够香!