越色牛肉粉餐廳 (已結業)

今日下午，同事C想食越南野，所以同佢两个人去左亚士厘道揾食。见到亚士厘中心有间楼上越南餐厅，就走左上去。午饭时间坐无虚席，好彩唔驶等好耐，系门口等左大约5分钟就有位。同事C话今日热辣辣，想食无咁heavy既野，所以叫左碗猪扒捞檬，酸酸味味，都算开胃，味道就一般，普普通通，不过不失，但系几大碗，同事C食左7成就饱。我钟意食汤粉，叫左札肉鸡丝河，汤底都几清，味道都唔错，温度岩岩好，唔会太热，又唔系太冻。我对味精都几敏感，但系食完唔觉口渴，应该无落味精，鸡丝都算滑，札肉就同其他的无乜分别。食午饭都ok，下次可以叫埋其他同事，试其他款式。