影片
更多
2014-05-03
9891 浏览
一直都想喺呢度食下午茶，但当知道无得book位，只可walk-in，就已经怕怕~所以当从朋友口中得知 The Lobby 推广紧 Birthday Rewards，又适逢小妹四月份生日，所以即刻提议屋企人去庆祝! Birthday Rewards 由宜家开始至八月，生日之星于生日月份与三位朋友惠顾三道菜晚餐，生日之星可免费享用并获黑森林蛋糕一个! 虽然今次唔系食下午茶，不过都试下啦~环境方面当然系充满高贵气派，但坐喺乐队楼下，其实都好嘈~甫坐低已经有侍应好快送上餐牌，因为有五个人，餐牌有既野都比我地叫哂咁滞~除左牛肝箘意粉~落单戈阵侍应想知道我地边个系生日戈位，问左坐喺我侧边既妈妈，但太大声，我都听到~点菜后侍应送上暖暖既面包篮，不过略嫌面包过硬唔松软，而且牛油应该系无盐既，所以无咩味~头盘烟鸭胸沙律 - 平时食既烟鸭胸都好鞋，但估唔到今次既烟鸭胸可以咁嫩滑，露荀亦好爽口~香炸虾沙律 - 比较普通，不过点上辣沙律汁后，尚算可口~法式洋葱汤 - 本身唔钟意食洋葱，平时亦唔会饮洋葱汤，但我可以接受到呢个汤既味道，因为已经算无咩洋葱味~主菜烧牛柳 - 平时唔多食牛肉，不过黎到呢度点都要试试
Birthday Rewards 由宜家开始至八月，生日之星于生日月份与三位朋友惠顾三道菜晚餐，生日之星可免费享用并获黑森林蛋糕一个! 虽然今次唔系食下午茶，不过都试下啦~
环境方面当然系充满高贵气派，但坐喺乐队楼下，其实都好嘈~甫坐低已经有侍应好快送上餐牌，因为有五个人，餐牌有既野都比我地叫哂咁滞~除左牛肝箘意粉~落单戈阵侍应想知道我地边个系生日戈位，问左坐喺我侧边既妈妈，但太大声，我都听到~
点菜后侍应送上暖暖既面包篮，不过略嫌面包过硬唔松软，而且牛油应该系无盐既，所以无咩味~
头盘烟鸭胸沙律 - 平时食既烟鸭胸都好鞋，但估唔到今次既烟鸭胸可以咁嫩滑，露荀亦好爽口~
香炸虾沙律 - 比较普通，不过点上辣沙律汁后，尚算可口~
法式洋葱汤 - 本身唔钟意食洋葱，平时亦唔会饮洋葱汤，但我可以接受到呢个汤既味道，因为已经算无咩洋葱味~
主菜烧牛柳 - 平时唔多食牛肉，不过黎到呢度点都要试试。但牛柳过熟，因为要左七成熟，有d韧! 应该要五、六成就刚刚好，而且有d㶶味，食落苦苦的~热辣辣既焗薯好大个，食完都饱lu~
煎三文鱼柳 - 三文鱼柳里面嫩滑，配上有薏米既白汁，虽然有d腻，但算不错~
甜品传统意式软芝士饼 - 正宗既tiramisu，充满香浓既酒味，好软滑，咖啡雪糕味道亦系香浓幼滑，确是一种享受!
香芒、柠檬啫喱、乳酪雪葩 - 先系乳酪雪葩，用上原味乳酪，质地轻身幼滑，好似食紧cream一样，再来芒果加柠檬啫喱，酸甜交替，整体味道清新!
朱古力挞 - 应该系用上黑朱古力做既，朱古力既苦涩味道加上呍喱拿雪糕，有种特别既味道而且会无咁苦，不过食哂成个既话会有d腻~
食完甜品后，便向侍应示意可送上蛋糕，虽然只系一个普通黑森林蛋糕，不过比平时既黑森林蛋糕更有诚意，蛋糕充满酒香，朱古力味十分浓厚，值得一试。总括而言，今次晚餐对比其他高级餐厅唔算有Wow既感觉，比较平实，味道亦唔算突出。未食呢餐之前本来约左朋友再黎食多次 (因有朋友都系四月生日)，但我觉得一次已经足够，所以就算预订左都取消lu! 如果唔洗排队既话就再黎试下午茶啦~
张贴
