Dough Kitchen

营业中

休息中

呢间铺一直都好出名，网上有好多人推介；因为朋友一早上网book咗位，唔洗排队就入到去食，如果真系想食，建议大家都系上网book定位稳阵啲！个阵同朋友都唔系特别肚饿，所以就只系叫咗两样野食。1.白松露西班牙黑毛猪芝士多士一拎到上枱，就已经闻到好大阵松露嘅味道，食落都系好大阵松露味，但盖过白毛猪同芝士嘅味道；可惜份量比较少，只系得3件半份嘅多士，随餐附送嘅火箭菜仲多过多士，加上本人极度唔钟意食火箭菜，所以个人麻麻地呢份多士。2.海胆意粉海胆意粉系呢间铺嘅招牌菜，基本个个都系为咗呢个意粉而黎，我都系唔例外。意粉系手工制造，比起一般嘅意粉嘅口感会更加烟靭弹牙，似粗拉面或者乌冬多啲，系我几钟意嘅口感。意粉嘅海胆酱汁都好足够，酱汁偏杰身，基本上每条都沾到汁，但意粉嘅份量亦有啲少。意粉嘅主角 - 海胆食落口都几creamy，不过有少少腥味，上网睇有啲人又话鲜甜，可能都系睇彩数。