影片
更多
2023-06-26
101 浏览
早前有亲戚介绍我去正潮楼，抱著不妨一试嘅态度，就系五月尾嘅一晚去试试佢地嘅潮州菜。餐厅环境都算新净，唔系酒楼格局，而系比较接近茶餐厅格局 (冇枱布、枱同枱中间有少少逼、右手边有卡位)，但感觉上系都干净嘅。当晚食客比较多内地人，讲普通话嘅比较多，不过全部伙计都识讲广东话。首先嗌咗个猪脚冻做前菜开开胃。我个人几欣赏猪软骨同埋猪皮系口感上嘅对比，但系略嫌猪脚冻嘅胶汁 (即凝结成固体嘅汤) 较为清淡，冇乜味 ，所以个结论就系可嗌可唔嗌。跟住落嚟就嗌咗个鹅三宝。「三宝」分别系鹅掌、鹅翼、同埋鹅肝，同时系三宝下面都有啲豆腐同埋花生。卤水最紧要嘅就当然系个卤水汁，我就觉得觉得佢地个卤水汁正正常常，相对上我认为另外一个潮州酒楼力宝轩嘅卤水汁就更加香同埋味道更加甘浓，但同时亦都好过卤八鹅店 (湾仔另外一间潮州菜老字号) 嘅卤水汁好多。个人唔系好好鹅掌，所以大部分都由同行友人食咗，佢地就话整得唔错。鹅翼嘅肉都几嫩滑、皮同肉都好入味，绝对值得一试。我第一次食潮州鹅肝，就觉得都几好食，入口粉嫩、卤水味浓郁，个种「膶」、「肝」嘅味道颇突出，个人几欣赏呢碟鹅肝，鹅肝必食 。豆腐、花生一般，个人认为力宝轩嘅卤水豆腐
首先嗌咗个猪脚冻做前菜开开胃。我个人几欣赏猪软骨同埋猪皮系口感上嘅对比，但系略嫌猪脚冻嘅胶汁 (即凝结成固体嘅汤) 较为清淡，冇乜味 ，所以个结论就系可嗌可唔嗌。
猪脚冻
6 浏览
0 赞好
0 留言
跟住落嚟就嗌咗个鹅三宝。「三宝」分别系鹅掌、鹅翼、同埋鹅肝，同时系三宝下面都有啲豆腐同埋花生。卤水最紧要嘅就当然系个卤水汁，我就觉得觉得佢地个卤水汁正正常常，相对上我认为另外一个潮州酒楼力宝轩嘅卤水汁就更加香同埋味道更加甘浓，但同时亦都好过卤八鹅店 (湾仔另外一间潮州菜老字号) 嘅卤水汁好多。个人唔系好好鹅掌，所以大部分都由同行友人食咗，佢地就话整得唔错。鹅翼嘅肉都几嫩滑、皮同肉都好入味，绝对值得一试。我第一次食潮州鹅肝，就觉得都几好食，入口粉嫩、卤水味浓郁，个种「膶」、「肝」嘅味道颇突出，个人几欣赏呢碟鹅肝，鹅肝必食 。豆腐、花生一般，个人认为力宝轩嘅卤水豆腐更为出色 。
鹅三宝
10 浏览
0 赞好
0 留言
除咗鹅三宝，仲有川椒鸡颈肉。鸡颈肉爽滑而且弹牙、够肉地，川椒味道够香同浓，但系唔够麻，珍珠叶炸到轻盈薄脆嘅效果。整体味道够惹味，𩠌饭唔错，值得一试 。
川椒鸡颈肉
14 浏览
0 赞好
0 留言
仲嗌咗个汕头煎蚝烙。蚝烙落足料，每件都有好多只蚝，蚝味极为突出，但系略嫌煎得唔系太熟，蚝烙嘅中间有少少呈糊状 ，唔知道系未传统应该系煮成咁嘅状态，但系我自己同埋友人都觉得不太开胃，有待改进，唔推介。
汕头煎蚝烙
9 浏览
0 赞好
0 留言
最后嗌咗个方鱼炒芥兰。芥兰口感几爽，煮得几好，系方鱼淡淡嘅咸香味嘅映衬下，更加鲜味，值得一试 。
方鱼炒芥兰
16 浏览
0 赞好
0 留言
总括而言，正潮楼嘅潮州菜整体上味道都唔错，就系汕头煎蚝烙可以煎熟啲，同埋猪脚冻感觉上冇乜特别。食物价钱合理，唯独系份量比较细，所以性价比一般。环境方面，坐得唔系太舒服，但系卫生情况可接受。如果咁啱系湾仔，而又想食潮州菜，正潮楼系一个OK嘅选择。
张贴
