日山 (海運大廈)

营业中

休息中

为庆祝男朋友生日，已经提前一个月预约因为系平日食，所以去到比预约时间迟咗10分钟到都仲有一个望海景嘅座位。订座前两日会收到当日嘅Menu，今次叫咗$498嘅寿喜烧A5和牛特选部位及野菜盛套餐同埋$438嘅A5和牛扒伴日式芥末醉汁，再加咗个$38鸡泡鱼干。点餐后职员会送上餐前三款小食，梅子果冻入口酸酸地几开胃，渍物味道普通冇太大特别，但樱花虾炖蛋味道非常一般，蛋入面冇虾味。主菜首先送上和牛扒伴芥末汁，牛扒份量较少，但入口都算即溶，可以一试。而另外最出名嘅寿喜烧，会有职员先拎两块和牛俾你打卡，再喺眼见位置有职员即刻煮寿喜烧，服务尚算贴心，可以帮你分两碗上，但日本蛋味好出，寿喜烧味被完全盖过，整体味道较普通没有太大惊喜。最后惊喜位系柚子味雪糕，香甜清新带少少酸满意。😝😝😝好彩因为有商场coupon，最后一日$200 -100所以埋单六百几，整体尚算可以接受，但如果要用正价就未必会再光临。