嚐越 (已結業)

今日放工自己一个去咗德福揾嘢食，咁啱见到尝越唔系太多人等位就入咗去食啦。提提大家依间尝越有得用The Gulu 排队的。自己一个人食叫一碗面又好似唔够饱，所以我就叫多咗一个猪颈肉啦。面我就拣咗图中所见嘅牛丸牛肉面，面同牛肉都系正正常常啦，反而牛丸嘅味道就好重牛肉味有惊喜，依一碗面个香茅味就比较重，如果大家觉得唔够味佢仲有鱼露可以俾你加落去添。个猪颈肉都系普普通通，不过不失啦。佢配嘅系泰式酸辣酱，我觉得点左只酸辣酱，反而令到猪颈肉冇咁好食。整体来讲都系一般般啦，唔会太难食，但亦都唔会吸引到我再嚟。