金鳳大餐廳 (D2 Place TWO)

营业中

休息中

买咗戏票去睇永恒族， 经常经过D2 ，金凤门口成日企咗好多人。今日六点三到，唔使等位， 试下究竟好唔好食。单点咗个咖哩鸡扒扁意粉， 咖哩唔算好辣，鸡扒质地煎得几香脆。不过唔算好多汁，所以捞埋个意粉就有啲干，而且意粉本身系无味嘅，所以食完成个有啲dry，唔系好满足。另外叫咗个招牌牛柳餐，送埋餐汤、面包同埋饮品 。红汤菜够多，唔系好酸易入口。牛柳叫咗七成熟，煎得好冧，质地好柔软，配菜都够多，薯条都算香脆，呢个餐算系不错。