餓居

营业中

休息中

一入到呢間餐廳就好似日本，眼前就有鳥居，仲有幾隻蠟筆小新嘅公仔，行入少少就見到好大棵櫻花樹，隔離有和式嘅榻榻米座位，周圍嘅裝潢同擺設都好花心思，一入去已經俾個環境吸引咗。原來食嘅嘢都好打卡，個飛驒和牛啲肉好軟熟而彈牙，而且都幾厚，放埋隻蛋黃上去超啱打卡。蟹肉三文魚子漬飯撈勻晒嚟食好惹味，口味唔算好重，需要加啲豉油，真係希望啲三文魚子同蟹肉可以多啲，咁我就可以食到超滿足。之後個玉子三重奏三大塊好似磚頭一樣嘅蛋，上面可以有唔同嘅口味，叫咗三隻味都係重口味，海膽同明太子好鹹，好彩我哋兩個餐都係飯，撈埋一齊就OK，另一個係蜜糖芥末，甜甜地幾特別，我幾推薦呢隻味。個雞皮餃子幾有特色，好少何食到，食落去入邊啖啖肉，幾彈牙。仲有抹茶大豆蛋糕，細細個用餐完之後點綴一下都唔錯。整體嚟講食物都可以，又唔算好貴，仲可以食埋個環境，都係一個唔錯嘅選擇。