好煮意

营业中

休息中

上星期五（10月13日）去咗沙田博康邨做嘢，午饭时间，随著人流，嚟咗沙角邨商场，兜兜转转，左拣右拣之下，嚟到呢间起街市旁边，舖仔细细（目测最大容纳人数少于卅人），唔多起眼但选择多多嘅舖头，叫咗个药膳醉鸡米粉，加碟炸鱼皮，转配热菠萝青柠蜜，合共$68。药膳米粉，汤有当归味，可能太多红枣缘故，味道偏甜，唔系我喜爱嘅药膳味，醉鸡无酒味（正常嚟计系要有花雕酒味），而且肉质唔滑，绝对系败笔之作，实在太怀念已折埋起联和墟𠮶间陈黄记嘅药膳鱼头同花雕醉鸡啦！炸鱼皮够脆，但我嫌太碎，可以大块啲就仲好。菠萝青柠蜜，蜜味过浓，盖过菠萝同青柠嘅味道，一试无妨，再试就咪搞。总括而言，呢餐味道不过尔尔，而价钱略贵。