影片
更多
2015-11-19
3464 浏览
我自己好怕排队揾食，感觉好嘥时间咁，有时会觉得有啲店排晒长龙，可能确实喺有质素，亦有可能喺啲人贪新鲜，更有可能喺传媒吹虚造成。小弟自问食嘢志在见识，无话要追求最好，所以，今晚同面包班同学仔I兄一心嚟到登龙街食拉面，见号称最佳福冈拉面店嘅「金田家」，店内人气不俗，却又唔使点等位，就试试依间九州拉面店 。餐厅唔算好大，呈长形，开放式厨房设晌入面，厨房边就喺「吧位」，坐晌吧位可以探头睇到师傅做面。而一室深褐色实木枱櫈，装潢简洁，不过，其实好多拉面店格局都喺咁上下。枱上都有一大壶冰水，喺店方建议俾客人饮用解腻，如果有啲玄米茶提供，唔知会唔会感觉仲好呢？过胶餐牌，底面两页纸睇晒，拉面、小食、饮品，图文并茂有咩拣。点餐纸上如选择题，拣拉面款式外，仲可以拣面嘅硬度、要唔要葱、其他追加……等等，喜欢点剔就点剔。而拉面共有6款，定价于$78-$108，追加配料多达8种，小食则只有3款，明显都喺拉面以外再赚多点「外快」。 松竹梅白壁藏Mio清酒 $55之前晌I兄屋企食佢嘅私房菜已经试过依款酒，佢话卖$55抵饮，所以点一支回味吓，再者，佢对酒又算颇有研究嘅。依支「澪」有气清酒上次饮过，真喺几得意，首先宝
餐厅唔算好大，呈长形，开放式厨房设晌入面，厨房边就喺「吧位」，坐晌吧位可以探头睇到师傅做面。而一室深褐色实木枱櫈，装潢简洁，不过，其实好多拉面店格局都喺咁上下。枱上都有一大壶冰水，喺店方建议俾客人饮用解腻，如果有啲玄米茶提供，唔知会唔会感觉仲好呢？
过胶餐牌，底面两页纸睇晒，拉面、小食、饮品，图文并茂有咩拣。点餐纸上如选择题，拣拉面款式外，仲可以拣面嘅硬度、要唔要葱、其他追加……等等，喜欢点剔就点剔。而拉面共有6款，定价于$78-$108，追加配料多达8种，小食则只有3款，明显都喺拉面以外再赚多点「外快」。
松竹梅白壁藏Mio清酒 $55之前晌I兄屋企食佢嘅私房菜已经试过依款酒，佢话卖$55抵饮，所以点一支回味吓，再者，佢对酒又算颇有研究嘅。依支「澪」有气清酒上次饮过，真喺几得意，首先宝蓝色酒樽非常型格，修长外型显得有点高贵 。咪睇佢斟出嚟好似白酒咁，其实喺日本清酒，仲加入气泡，入口冰凉爽快，甜酸味细致，又带点果香，酒精度得5%，绝对好易上口唔怕饮醉 。
伊藤园绿茶 $15始终饮酒依家嘢唔喺小弟强项，陪朋友浅酌少少，我还是饮绿茶啱口味啲，尤其食拉面，一向啲汤底都好浓郁，有啲茶中和吓，感觉有啲去腻嘅作用。
虽然，无论拉面、小食，我哋各有各点，不过，嚟到都会喺分甘同味，咁就可以样样试到。
我哋拣咗入餐厅最尾嘅二人枱，较少受骚扰。墙上有张店家嘅小温提，喺有关替玉嘅用意、面条嘅硬度及叉烧嘅厚度小解读。
此外，枱上有自家制辛辣高菜、酸姜丝及即磨芝麻，前两者夹少少浅尝，啲高菜都几辣吓。而即磨芝麻就有晌碗鸡白汤豚骨拉面度加少少，可提升点芝麻香，然则碗黑松露拉面本身已好幽香，就唔使多此一举。
鸡白汤豚骨拉面 $83 喺一款以鸡汤为主，再混入豚骨汤为副作汤底嘅拉面，所以，无斋豚骨汤咁浓腻，但味道仍然咁鲜香。拉面基本已包紫菜、芽菜、黑木耳及葱花，加上5小片黑豚做嘅腩肉叉烧，因为切成薄片，唔会觉得好腻，却又有点油香，口感有啲咬口。老友选普通硬度面条，口感还可以，我哋觉得配硬面应该效果合我哋口味多啲。
鸡白汤豚骨拉面
$83
87 浏览
0 赞好
0 留言
鸡白汤豚骨拉面
36 浏览
0 赞好
0 留言
我哋同时都追加溏心蛋（$12）及木耳（$7），前者做得有水准，溏心效果一流，又带半分酱油香；后者，唔使多讲，有益嘅嘢唔怕多食。
黑松露拉面（限定拉面） $108 今次遇到嘅「限定」喺以浓重嘅豚骨汤为汤底，配上肩肉叉烧及黑松露酱嘅黑松露拉面。据店员介绍，佢哋啲豚骨汤底每锅都用上过百斤豚骨、鸡骨熬煮十几个钟，而松露酱嚟自意大利货色，所以，两者混和真喺浓郁幽香到不太了 。而3大片同样以黑豚做嘅肩肉叉烧，有入口即溶嘅感觉，不过，老友嫌佢太薄，无乜口感，食落好似得阵风，哈哈！面条选硬身，果然效果正好，烟韧而滑溜，又挂汁 。
黑松露拉面（限定拉面）
$108
80 浏览
0 赞好
0 留言
男爵薯饼 $33 一客有两件，炸得金黄，一啖咬落去好松脆。男爵薯喺日本一种几出名嘅薯种，不过，依款薯饼有一半名不副实，皆因一件喺薯饼，另一款喺紫薯饼，一咸一甜。无论男爵薯，抑或紫薯，薯味都够浓，质感够粉，紫薯内更加入少少栗子碎，而且，炸功都唔错，入口油感唔重 。
对食拉面，小弟唔算有咩独特嘅见解，不过，今晚所食到嘅两碗拉面，都觉得不俗，既唔使花太多时间等位，服务又到位。登龙街渐渐变成一条拉面街，要继续立足，不甘示弱，真喺要不断努力。
张贴
