三田製麵所 (K11購物藝術館)

营业中

休息中

成日聽朋友講呢間拉麵，終於第一次試到，果然係幾好食！兩個人叫左兩個套餐，套餐包一碗麵，一份小食同一枝飲品。叫左一個招牌辛辣濃香豚骨魚介沾麵，面既size有小中大同埋特大，大size正常食量既男仔都夠食。沾麵可以揀熱麵或者凍麵，今次試左熱麵，佢個面底比起出面嘅沾麵店麵身會粗身啲所以更加有口感。沾麵汁有好香好濃既昆布味，食得辣既撈勻左之後係唔會覺得辣，想要辣d就可能要自己再加七味粉。第二碗就試左期間限定既鯛魚拉麵(套餐需另加$10）湯麵既麵身同出面一樣係幼麵，食落都係爽口彈牙，湯麵面佈滿火箭菜、京蔥、紫菜同埋荀，層加左成個麵既層次，連埋湯配搭一齊食清爽無負擔。豚肉亦唔會好油好濟之餘都唔會好乾好硬。小食叫左炸雞同埋蟹肉忌廉薯餅。佢地既炸物炸粉唔會好厚，炸雞唔乾身仲有汁，薯餅外脆內好軟滑，一個人成一份唔會好濟。