功德林上海素食 (已結業)

-今曰放假，陪老妈子食晏。佢年纪比较大，所以要选啲唔硬同埋易消化嘅食物。刚好经过功德林就入去试吓。可能因餐厅位置及时间关系，只得大概一半座位系有食客，故无需等位。甫坐底，服务员便递上餐牌。餐牌上有午市套餐及散叫。但套餐只有一款，唔系好啱食，故此点咗南乳香芋滑鸡煲，砂锅咸肉莱饭同埋桂花八宝饭。南乳香芋滑鸡煲好惹味，豆卜，草菇，芋头等材料均十分入味；砂锅咸肉菜饭炒得好亁身，唔会油淋淋，仲要有少少饭焦添。后上嘅桂花八宝饭系用黑糯米整，里便有莲子同红枣，但唔会太甜。另外碟边淋上桂花汁，卖相唔错。埋单连埋加一约240，觉得食物价钱尚可接受，但茶芥12蚊一位则稍贵。环境清静同埋服务员态度殷勤。另外亦建议餐厅可多设计一两个套餐，让食客更多选择。