影片
更多
2019-07-11
139 浏览
收工想同朋友静静地食餐饭，又想去啲就脚啲嘅地方，就决定去太子呢间小店。呢间喺闹市之中算系环境同气氛都比较适合倾计嘅餐厅。一去到门口见到手工啤酒买一送一，就二话不说同朋友叫咗一人一杯，然后再另外嗌多一个小食同两个主食set。set包两个忌廉汤，嘢食份量适中。手工啤酒几特别，一杯叫Love Craft嘅烟熏味好浓，另一杯叫Hong Kong Yau就淡同甜D，两杯都好适合女性饮，买一送一真系值得一试。然后叫咗三个嘢食，一个系煎蛋肉酱芝士薯条，上枱嘅时候热辣辣，芝士半溶状态，加埋煎蛋嘅半熟蛋黄同肉酱一齐食，好好食好夹！之后有蒜香软壳蟹配香槟蜜糖烧春鸡，软壳蟹好脆好香，蒜味好突出，唔好咬落去成口都系油，烧春鸡好滑，一D都唔鞋口，整体都唔错！最后有松叶蟹粉海胆卡邦尼意粉，卡邦尼酱同蟹粉海胆都好夹，咸中带甜，饱肚之选。无论环境、价钱、食物质素都性价比高嘅餐厅。
收工想同朋友静静地食餐饭，又想去啲就脚啲嘅地方，就决定去太子呢间小店。呢间喺闹市之中算系环境同气氛都比较适合倾计嘅餐厅。
一去到门口见到手工啤酒买一送一，就二话不说同朋友叫咗一人一杯，然后再另外嗌多一个小食同两个主食set。set包两个忌廉汤，嘢食份量适中。
手工啤酒几特别，一杯叫Love Craft嘅烟熏味好浓，另一杯叫Hong Kong Yau就淡同甜D，两杯都好适合女性饮，买一送一真系值得一试。
然后叫咗三个嘢食，一个系煎蛋肉酱芝士薯条，上枱嘅时候热辣辣，芝士半溶状态，加埋煎蛋嘅半熟蛋黄同肉酱一齐食，好好食好夹！
之后有蒜香软壳蟹配香槟蜜糖烧春鸡，软壳蟹好脆好香，蒜味好突出，唔好咬落去成口都系油，烧春鸡好滑，一D都唔鞋口，整体都唔错！
最后有松叶蟹粉海胆卡邦尼意粉，卡邦尼酱同蟹粉海胆都好夹，咸中带甜，饱肚之选。
无论环境、价钱、食物质素都性价比高嘅餐厅。
张贴
