三田製麵所 (K11購物藝術館)

营业中

休息中

依家拉面店嘅价钱好合理，好似我嗌嘅三田拉面咁，$78咋，出边闲闲哋都过百啦。佢嘅份量都OK几大碗，够饱，味道唔算太咸，但系可能我哋食开嘅拉面都系猪骨汤嘅拉面多啲啦，咁呢个鱼汤可能大家会觉得好似味道唔系太突出。依个沾面都系几大碗，味道不错，咸度适中，同拉面一样都好弹牙几唔错㗎，不过依只面就会粗身少少。即场炸嘅小猪扒就真系令我有惊喜啦，真正做到外脆内软，热辣辣！正！呢个炸鸡翼都系令到我依个平时唔食鸡皮嘅人都食埋啲鸡皮呀！佢写住黑椒味我谂住仲会好重口味添，点知原来系甜甜地㗎我系钟意食甜野既人黎架嘛，所以真系抗拒唔到。间餐厅嘅装修就普普通通啦都系日式嘅风格，但系都几宽敞啰，尤其是门口位两张枱有位摆BB车真系一流！总括来讲呢个价钱呢个质素，不错。