牛陣 (銅鑼灣廣場一期)

营业中

休息中

牛阵铜锣湾店，一间我恨食好耐嘅餐厅，对上一次嚟系同屋企人经过。因为book咗食满屋又未够钟入座而偶然发现咗呢间。今次，准备充足，book好晒位，约好朋友。准时入座牛阵铜锣湾店。呢间系自助式嘅寿喜烧店，烧和牛，火锅全自助。枱上有块牌教埋我哋如何正宗地食寿喜烧。成间铺头店面几好，好干净企利。冇讲咁多，开食！！！先打好蛋汁烧好和牛脂肪同京葱，即刻落和牛，再落埋提供嘅寿喜烧甘露，即刻闻到佢嘅烧肉同甜味。再沾上蛋汁放入口食，简直系人间美食啊！蛋汁嘅鲜味，和牛嘅入口即化。食得差唔多就会倒埋日式清汤转换成火锅。再攞埋自助嘅火锅料同套餐包嘅豚肉、和牛、海鲜同蔬菜。海鲜盘入面其实种类不多，就两只墨鱼，两只帆立贝同两只生蚝。但都够食嘅。