牛陣 (銅鑼灣廣場一期)

营业中

休息中

年三十想食餐好啲，於是成班同事一齊黎個快閃邊爐，牛陣係一人火鍋模式，大家都可以揀自己鐘意既湯底由於同檯都必需揀一樣既套餐，咁我地就平平哋揀左60分鐘穀飼牛套餐，除左鰹魚湯底，其他都要加$5👌🏻我就揀左壽喜燒湯底，牛方面有兩款牛肉、牛舌同豚肉，我地都係主力食牛肉。牛肉黎講都不過不失，唔算好出色，叫做睇餸食飯，呢個價錢都收貨架喇，始終放題食既係爽感，想食高質會去返d單點既火鍋餐廳自助吧都幾多蔬菜，今次主要食翡翠苗，另外見到有花生苗都幾特別，仲有各式各樣既丸都好多款式醬料吧都好多款，個人偏好胡麻醬溝各種蒜另外都有少量既熟食，有炸物薯條，同埋關東煮，大根同年糕都幾入味60分鐘其實都食得幾趕，好在追加肥牛既上菜速度都好快，最後留返幾分鐘食埋雪糕就滿足晒

好耐無食過牛陣。今日星期六lunch就去左食。原來牛陣都變左有一人火鍋，可以揀自己鐘意的湯底，唔洗揀鴛鴦煲好方便！揀左香辣湯底+$5，套餐就最基本的嚴選牛肉。豚和牛都切得好薄，真係要瘋狂叫先夠食！自助區款式比其他火鍋店選擇少，菜得兩三款選擇。但熱食質數高，咖哩牛肉同流心球都好食！Bonus 有HaggenDaz !

今日一行人喺這間餐廳嘗試咗日本產黑毛和牛同豚套餐，食到我哋嘴角上揚啊！我見到啲和牛嘅油花均勻，煎出嚟啲肉質嘅香氣勁吸引，一啖咬落去，嗜肉如命嘅我差啲暈過去——肉汁香滑，入口即溶，話時遲，嗰味道經已包圍哂成個味蕾。再加上壽喜燒汁嘅微妙甜鹹，呢個組合真係咁正！跟住係豚肉，咬落去有彈性，又唔會太乾，食完一片又一片！同和牛一拼，確實顯示到日式料理嘅精緻同層次。至於套餐附送嘅牛舌，肉感一流，厚切得啱啱好，嚼勁十足；而海鮮亦都新鮮爽口，感覺好像直接喺海邊食住海鮮，真心開心😄！仲有啲涮涮鍋配菜，選擇多到令人眼花撩亂，關東煮點點辣味，啱晒今日嘅天氣，鯛魚燒外脆內軟，每一啖都是心頭好。總括嚟講，呢次食旅真係正到不得了，熱辣辣嘅食物，巨型嘅滿足感，你喺寒冷嘅日子裏尋求食物慰藉，呢到絕對值得一試！👌🤤🎉

平日食得菜少，今日lunch hour得閒諗住食翻多啲水煮菜，來左打邊爐。其實來到已經近2點，全場得小貓三兩隻，拎檯帶位安排坐左嚮角落。檯面個碗有條短頭髮，冇出聲自己搵濕紙巾清潔過啲餐具。啲牛揀左話最有牛味個款，不過食落都係冇乜牛味。算，便價放題質素唔可以要求咁多。而且今日目標係蔬菜類，本身食得唔多，臨尾提早收錢埋單慣例冇問題。夠鐘前已經熄左火，清緊碗裡面既嘢。得翻兩件南瓜芋頭，因為煲左好耐先軟熟，啱撈上來裡面又熱辣辣，好難食得快，努力食緊。然後超時5min，我口仲咬緊件熱嘢，吞又吞唔到，吖姐企正係面前話要交檯，命令式語氣。我望一望全場，得個兩圍檯，空檯幾十張，又唔係趕住打烊😵道理明既，即時擺低筷子起身走人，落到樓下係超時7min。茶餐廳做法或者繁忙時間，大家理解要準時交檯一定配合。不過當全場9成吉檯都要被催促，咁就覺得好唔人性化。頭先食緊時7/8個人企係我面前圍爐吹水，都唔知原來佢哋對客戶咁有原則同規矩。本來諗住好地地食餐飯，一餐飯中三個雷點。一句講曬，有時間食第間，唔會再幫襯。

Three of us came here on a Wednesday at 12pm. Before covid there was always a big queue but this time the restaurant was only half full… it’s sad to see so many restaurants suffering… We order the $219 set for 90mins (mid price range), the quality of the meat is very nice! The range of food on the buffet table was great! They even had my favourite purple kale! Service was good! Overall had a nice lunch!

今日同大家介紹嘅呢一間餐廳位於銅鑼灣，喺香港都有唔少分店主打火鍋嘅一人一鍋。前牌食嘅時候試咗餐廳最新推出嘅蕃茄壽喜燒，本身都驚有少少奇怪，但係估唔到原來兩樣嘢都可以夾到。佢哋嘅壽喜燒係自家製造嘅加上蕃茄同埋洋蔥去熬煮，味道都幾特別，咁樣打邊爐好似食得更健康。🌟日本黑毛和牛及北海道四元豚放題套餐 ＄369壽喜燒汁湯底嘅味道都幾甜，加上原粒蕃茄味道好足。放題嘅選擇都幾多包括肉類甜品同埋出面counter都可以拎好多嘢食。尤其是佢哋嘅牛肉油花都幾靚，又唔會太油膩。豚肉都係一個唔錯嘅選擇，來自日本北海道。
📌牛陣 Gyujin @gyujin_wagyu 銅鑼灣軒尼詩道489號 銅鑼灣廣場1期 3樓 301-303號舖🚇 港鐵銅鑼灣站 C 出口, 步行約2分鐘

今次去咗牛陣食夏祭限定的蕃茄🍅壽喜燒、湯底加入新鮮蕃茄、 加上不同的疏菜 、酸酸甜甜、令人吃得開胃😍，好有夏天的感覺！ 我地揀咗 《澳洲產特上長期穀飼牛及北海道四元豚放題套餐》這穀飼牛是不含激素及抗生素的、肉質好鮮嫩！ 而四元豚脂肪比例分佈平均，大大塊的、肉質腍身🩷而套餐已包任食牛舌、魷魚仔、蟹籽蝦滑同墨魚！我比較喜歡魷魚仔、好爽口呢👍🏻！自助吧有好多選擇、熟食區有關東煮、日式咖喱、章魚小丸子、炸番薯條、炸花枝及炸麻薯等等….我比較喜歡炸黑糖麻糬，因為口感QQ、不會太甜！而另外還有各式各樣蔬菜🥬🥒🌽🥕、雞肉、丸類、麵等等….. 而甜品就有我鐘意的 Haagen-Dazs ™雪糕🍦臨走時仲可以玩日本千本引拉繩小遊戲，我就贏咗餐飲優惠券✌️😆好開心呢!

💁🏻‍♂️💁🏻‍♀️想平平地吃到飽？🐮牛陣係其中一個好選擇，今次遇上店內推出期間限定新品——-蕃茄壽喜燒鍋🌱🍅店內設有醬汁區、小食區、🥬丸物疏菜區、🍻🧃飲品區、🍦Hagendaz雪糕區，款式琳瑯滿目；🥩肉類經QR CODE落單；上菜快而唔會甩單、店員友善，有齊日本放題嘅精髓🫶🏻😽🝮日本黑毛和牛四元豚放題 [$369/位]———配蕃茄壽喜燒鍋湯底滿滿蕃茄香氣🍅，味道濃郁，個人鍾意食湯底原味道，食材淥完唔使點醬就食得👐🏻😜；食到中途，店員會為你加原湯底🍅，而唔係加水，令整個用餐體驗一直延續到最後😋🝮黑毛和牛🥩大大一碟，肉紋肥瘦相隔，令人食指大動；雖然呢款並非入口即溶嗰種，但脂味濃而軟滑，性價比高👍🏻😎🝮四元豚肉🐽質素同樣不錯，鍾意佢夠薄身，豚肉變得易熟又唔會太乾😚🝮加$8要隻日本生蛋🥚，肉類淥熟後在蛋汁翻滾一下再食，口感更嫩滑👏🏻😹門口仲有得玩抽奬

🐮日本產黑毛和牛+北海道四元豚放題套餐 ＄369店舖半自助模式環境好大好舒服😌店員先會幫客人烹調蕃茄壽喜燒，放上蔬菜🥦🥬🌽🍆🫑煮沸，再加入日本🇯🇵產黑毛和牛🐮，重點係自家製蕃茄🍅壽喜燒汁，入面原粒鮮蕃茄😳超甜而且酸度不高煮菜類一流，當然自助區都有唔同醬汁調較😆🤌🏻日本產黑毛和牛🇯🇵🐮呢款套餐肉品有六款選擇包括日本產黑毛和牛、澳洲產特上長期穀飼牛、嚴選牛肉、北海道四元豚、歐洲產豚肉牛舌。個人最推薦日本產黑毛和牛，油花好靚😛肉質軟嫩帶油脂甘香，無激素無添加，色澤鮮紅，煮幾秒入口即化🥰配埋滲入嘅蕃茄壽喜燒湯汁清甜味豐富，而澳洲產特上長期穀飼牛顏色跟紋路亦鮮明，同樣值得一試，而北海道四元豚🐷同樣無激素無添加，脂肪平均分佈肉味濃🤌🏻海鮮有廣島蠔、蟹籽蝦滑、魷魚仔、墨魚、蝦、青口同帶子，配埋飲品一流😛🤌🏻自助熱食區有炸物，當暐包括炸番薯條、炸花枝丸、黑糖麻糬等，仲有關東煮🍢住選🤌🏻蔬菜區連羽衣甘藍都有😋😋🥬個人推薦配搭蕃茄壽喜燒鍋如冬瓜、豆腐，煮完吸湯底好甜，唔夠飽仲有丸類、烏冬拉麵🍜等🤣🤌🏻甜品區有 Haagen-Dazs 雪糕任食😎當日包括士多啤梨🍓、芒果🥭、朱古力🍫同咖啡☕️飲品除了汽水、烏龍

夏天熱辣辣，阻擋不到我愛火鍋的心-同叔叔食飯相聚，當然要吃得豐富，要有多種高品質的肉類和海鮮可以選擇外，還要蔬菜和各種炸物。-「夏祭蕃茄壽喜燒鍋」火鍋放題套餐採用澳洲產的特上長期穀飼牛～安格斯牛牛是長達270日或以上穀飼期，它們不會有任何激素同抗生素。所以吃起來肉味份外濃郁！北海道四元豚～脂肪含量適中, 吃起來肉質柔軟。除了以上2款肉外，還有嚴選牛肉、牛舌、歐洲產豚肉及套餐另包任食蟹籽蝦滑、原隻魷魚仔、墨魚🦑
我同叔叔也喜歡吃牛舌，彈牙又軟嫩嫩。-套餐又牛又豬同海鮮任吃外，牛陣自助吧的夏日野菜～蕃茄、冬瓜、秋葵、蟹味菇、蓮藕、洋蔥及夏日特設炸物炸，例如魷魚、炸日式糰子、黑糖麻糬、炸花枝丸、日式章魚燒。-對於一個甜品控的我，一定吃2023夏天最新味Häagen-DazsTM與Pierre Hermé聯乘推出的馬卡龍雪糕系列三款口味包括有士多啤梨紅桑子馬卡龍雪糕、雙重朱古力馬卡龍雪糕和柚子檸檬馬卡龍雪糕，為這個晚餐畫上完美句號。-最後可以玩夏祭限定 -「千本引」拉繩小遊戲。憑眼力實力拉出夏日祭典獎品

鍾意食蕃茄嘅我知道牛陣出咗夏日限定蕃茄壽喜燒火鍋放題前幾日同老公夜晚去銅鑼灣牛陣食晚飯晚市套餐有三款放題套餐$289-$439/位我同老公食左澳洲產特上長期穀飼牛及北海道四元豚放題套餐$289/位，壽喜燒有埋夏日新鮮野菜（蕃茄、洋蔥，蟹味菇、蓮藕、冬瓜、秋葵）牛舌、蟹籽蝦滑、原隻魷魚仔、墨魚相當抵食🤩任食款式甚多！加入肉類後，倒入自家製蕃茄壽喜燒汁蕃茄濃度相當高，超多蕃茄蓉🍅成個湯底酸酸甜甜，甜中帶酸香濃茄香味，非常健康好味🤤澳洲產得上長期穀飼牛及北海道四元豚肉質鮮嫩，脂肪分布平均，入口即溶！放題套餐包埋牛陣自助吧、熱食區、Häagen-Dazs雪糕任食、飲品放題最正係食完之後有Häagen-Dazs雪糕任食，有四款口味！最特別係有馬卡龍雪糕系列雪糕內有馬卡龍，相當有咬口感食完熱辣辣火鍋之後食最啱🤤食完飯仲可以玩埋「千本引」拉繩抽獎小遊戲有多款夏日祭點玩具、零食、餐飲優惠券

真係好鐘意食日本野，和牛再加埋壽喜燒真係唸起都想食夏日炎炎又想食壽喜燒，選擇蕃茄壽喜燒可能係最岩夏天食餐廳裝修以和風木系為主，環境舒適，簡約清新，有大量梳化位及卡位，感覺舒服而且仲使用一人一鍋既設計，夠曬衛生另外店員服務殷勤有禮，態度主動好客，經常會主動上前加湯，值得一讚食物方面 :夏日蕃茄壽喜燒限定選揀左日本產黑毛和牛及北海道四元豚放題套餐湯底採用自家特製壽喜燒汁，加入原粒鮮蕃茄、冬瓜、蟹味菇、秋葵、車厘茄、蓮藕、洋蔥，加入日本產黑毛和牛，再倒入自家製蕃茄壽喜燒汁，微酸清甜又開胃，非常健康美味套餐另外會預配北海道四元豚、牛舌、大滿足 A、大滿足 B 既海鮮拼盤，非常豐富另外預定配料唔夠食，仲可以經 QR code 落單，有牛肉、豚肉、海鮮及其他食物追加自助吧(火鍋配料) : 有多款季節性野菜、丸類、烏冬、公仔麵等等自助吧(熱食) : 有炸花枝丸、炸魷魚、三色炸薯條、炸薯格、仲有關東煮，非常特別飲品區 : 有多款汽水、自家製冷泡烏龍茶、茶類飲品，連 Asahi 罐裝啤酒都可以暢飲甜品區 : 有 Haagen-Dazs 雪糕任食，記住留返個肚食埋雪糕先走Ours Tips : 吃到飽臨走

🐮牛陣夏祭限定🎏火鍋任食出左喇🎉今次仲有🍅蕃茄壽喜燒《TOMATO SUKIYAKIYA》湯底揀😍佢係由獨有特製壽喜燒汁加入原粒鮮蕃茄🍅熬煮而成
我嗌左澳洲產 特上長期穀飼牛🐮及北海道四元豚🐷放題套餐($289/人) 

🐮澳洲產 特上長期穀飼牛
🔸採用270日或以上穀飼期的安格斯品種 🔸不含任何激素抗生素🐷北海道四元豚🔸飼養過程無激素無添加🔸經日本🇯🇵指定屠場屠宰 切割後直送香港🇭🇰
🔸肉質鮮嫩多汁 脂肪平均分佈😍肉味濃而無豬羶味牛同豬都係薄切 好岩火鍋用👍🏻👍🏻錄兩錄就熟🙌🏻🙌🏻
套餐另包任食： 牛舌、蟹籽蝦滑、原隻魷魚仔、墨魚
🥢仲有自助吧🔹季節性野菜 同火鍋食材 推介冬瓜 冬菇 芋頭 吸哂壽喜燒既汁✨
🔹超過10種醬料
🔹炸物 推介黑糖麻糬👍🏻👍🏻👍🏻外脆內軟 非常煙韌 重點係中間既黑糖😍🔹關東煮 推介蒟蒻同心型魚餅🍢
🔹自家製日式咖哩牛肉🍛 仲可配上白飯
🔹Häagen-Dazs 雪糕任食🍦
 三款同Pierre Hermé聯乘推出既馬卡龍雪糕系列：🍓士多啤梨紅桑子馬卡龍雪糕
🍫雙重朱古力馬卡龍雪糕 🍋柚子檸檬馬卡龍雪糕
🔹飲品放題:設有多款汽水🥤茶

餐廳：牛陣地點：銅鑼灣廣場一期菜式：日式火鍋放題今日揀左：嚴選牛肉60分鐘放題套餐$149大人$99小朋友，另加一。個餐包兩款肉類任食。兩款肉類分別係嚴選牛肉同歐洲豚肉。嚴選牛肉好瘦，切到非常薄。味道質感都麻麻，無牛味而且肉質韌。差！好彩歐洲豚肉就好食d，一客8片，雖然都係切到非常薄，不過，肉較爲嫩而豬味夠濃。肉類用App落單，都上得快。湯底免費包日本鰹魚清湯，可以加$5升級其他湯底。鰹魚清湯基本上無味，強烈建議自己加調味料調味。自助吧有以下配料，蔬菜選擇算多，質素可以，有白魚蛋，蝦味丸，原味小魚輪，獅子狗，香菇貢丸，脆皮腸，芥末丸。仲有麵類，烏冬。蔬菜有洋蔥，南瓜，冬瓜，芋頭，秋葵，番茄，金菇，冬菇，其他菇類，蟲草花，雞脾菇，荀片，豆腐，羽衣甘藍，紅莧菜，生菜，娃娃菜，海帶，雲耳，蓮藕，芽菜，白蘿蔔，萵苣。質素正常。仲有自助調味料。自助吧有以下熟食：關東煮有9格：我見有海帶結，福袋，魚蛋等等。今次無食。咖哩配飯：咖喱牛肉都有唔少牛肉粒，質素係可以。脆薯格我見第二輪出先食，炸得好脆熱辣辣，伴有四款醬汁比你自己加。哈根大師雪糕一共有4種口味，包括大路既士多啤梨，焦糖脆餅，新口味雙重朱古力

\ 是日靚晚 /好耐冇打邊爐，又想瘋狂食牛🐄咁岩喺銅鑼灣食飯銅鑼灣多人是常識吧銅鑼灣廣場係中學放學時間嘅回憶就上去睇下有咩食見到有牛陣🐮又唔算太多人就揀咗呢間食冷氣仲幾舒服我地揀咗$289/1人嘅‘’澳洲特上長期穀飼牛四元豚放題‘’壽喜燒湯同豚骨湯兩個湯都好食牛肉好嫩滑，夠油脂牛味都重豬肉唔會太鞋菜嘅款式好多有冬菇、粟米、娃娃菜等仲有任食Häagen Dazs大推士多啤梨馬卡龍味🍓超好食，食咗好多球🤣🤣