沾仔記麵食 (已搬遷) 新店位置

佐敦真系好多好嘢食，其中一间一定要提到 - 沾仔记今时今日，喺香港随随便便食个饭，通常都要＄50以上，难得仲见到有二字头嘅交易，而且仲有唔错嘅质素，难怪呢度每日都高朋满座。每隔一两个月就来沾仔记一次，知道期间有加过少少价，物价同人工都上涨，相信食客都知道，价格调整系无可奈何。沾仔记只有三款面食拣，可见其专注程度我食云吞面，因为呢一度嘅云吞可以称为面店性价比之冠军。一碗$25嘅吞面有大大粒云吞，虾肉新鲜爽口弹牙，云吞包得实净唔会漏馅。每逢有朋友去屋企打边炉，一定要去沾仔记买返一两打三云吞返去食！面质爽口，不过相比之下应该在麦文记同何洪记之下，可说是不俗，分数不差。整体份量算细碗，男士可能会食两碗啦。若然食完一碗好味嘅云吞面仍然唔满足、未够饱，通常我会叫碟油菜，正常之作，配蚝油。我经常同朋友讲佐敦真系好多高水准小店，食极都食唔晒，食极都唔会厌，其中一间必定会推介嘅，一定有沾仔记。