會長之家烤肉

营业中

休息中

因为开系屋企附近见平时都几多人食，所以谂住去试下，点知就中大伏了。专登提前book左6:30，但因为有啲嘢所以迟咗去，打电话通知店员会迟少少到，但俾店员告知就算七点到都要八点交枱，咁就以为全场好full，但发现去到仲有一两张吉枱。跟住坐低叫咗个招牌牛油熟成猪五花肉，但全旧都系肥膏，一啲瘦肉都见唔到，就好似一嚿猪油咁，然后同一名戴眼镜男店员讲，佢话旧旧都差唔多，同图片不符兼态度恶劣。最后问佢可以点样解决，因为真系食唔到肥肉，店员话可以退咗佢，然后夹走啲肉𠮶阵态度超级「西」，并且十分粗鲁，将啲热油弹到周围都系，但好彩无整到我。只可以讲绝对冇可能食第二次，食左一肚气，同埋啲肉质量一般，服务态度堪称恶劣，奉劝各位唔想受气就唔好嚟食呢间啦。