GALBI TOWN

营业中

休息中

今日就过咗嚟试吓。地方都唔难揾，电梯上一层就已经见到。成个地方好阔落，听讲有几千呎，而且设计简洁。前菜方面好丰富，除咗由平时食到嘅泡菜，呢度仲有莲藕，同埋估佢唔到嘅辣蟹！有冇谂过喺香港食前菜食到蟹？呢度系自助落单，之后就会店员或者系送餐机械人送到过嚟。$320 特选牛肋骨肉Wang Galbi呢个份量都好多，肉质比较软身，仲会连埋一旧骨上。已经本身腌好咗，所以食到好丰富嘅口感。$380 韩牛颈肉Hanwoo Chuck Flap Tail男朋友钟意食呢个，佢觉得呢一个比较有口感，冇咁软，大推。$270 酱油蟹 GanjangGe jang呢个系暂时喺香港食到最好食嘅酱油蟹。同平时食到嘅酱油蟹唔同，佢带有一种甜味，但同酱油配埋一齐又系超夹。超多膏超多蟹肉，配埋饭真系一流。$118 嫩豆腐汤Sundubu Jiigae呢个又系好出色，冇谂过豆腐汤都可以咁好饮。配料非常充足，豆腐好嫩滑，味道好惹味，同平时食到嘅唔一样。呢个汤本身配咗一碗饭，就可以攞嚟食酱油蟹。呢度每一样嘢都好出色，价钱又唔贵，呢个价钱食到咁多嘢，真心觉得好抵，仲要超好食☺️👍🏻。