影片
更多
2021-03-04
5235 浏览
大家听到过江龙，会唔会已经打定输数食物质数唔好呢? 但其实香港好多话罗左米芝莲既过江龙，其实只系罗到必比登推介，唔系米芝莲既一二三星。而今次呢间东京过江龙拉面，系真正罗到米芝莲一星既餐厅，必比登推介同米芝莲一星实际有好大分别，因为后者系好难罗到。而其实东京可以罗到米芝莲一星既拉面只有三间，分别系创作麺工房鸣龙、茑同金色不如帰，后两间同样系香港都有分店，但呢间金色不如帰系连续两年(2019-2020)罗到星，仲系日本食评网Tabelog评为2010至2017年最佳拉面，我一早系拉面杂志《TRYラーメン大赏 2018-2019》入面知道呢间拉面，因为佢系系盐味拉面排名第一，咁猛料究竟呢间过江龙同系日本食有无分别呢?。-分店 香港首间分店就系系2019年12月系中环插旗，之后系上年11月系九龙塘开左首间九龙分店，再系今年2月系尖沙咀开店，呢家香港已经有3间分店。-排队我帮衬过几次，系2020年年初时食，夜晚去系唔驶排队，最近期食个时系红日放假，咁岩系年初五，食午市时已经系满座，要禁电脑罗飞等位。个时大概下午一两点，罗左2人飞，等左10-15分钟终于入座。系平时未满座时店员会尽量打散食客分开坐
大家听到过江龙，会唔会已经打定输数食物质数唔好呢? 但其实香港好多话罗左米芝莲既过江龙，其实只系罗到必比登推介，唔系米芝莲既一二三星。而今次呢间东京过江龙拉面，系真正罗到米芝莲一星既餐厅，必比登推介同米芝莲一星实际有好大分别，因为后者系好难罗到。而其实东京可以罗到米芝莲一星既拉面只有三间，分别系创作麺工房鸣龙、茑同金色不如帰，后两间同样系香港都有分店，但呢间金色不如帰系连续两年(2019-2020)罗到星，仲系日本食评网Tabelog评为2010至2017年最佳拉面，我一早系拉面杂志《TRYラーメン大赏 2018-2019》入面知道呢间拉面，因为佢系系盐味拉面排名第一，咁猛料究竟呢间过江龙同系日本食有无分别呢?。
-
分店
香港首间分店就系系2019年12月系中环插旗，之后系上年11月系九龙塘开左首间九龙分店，再系今年2月系尖沙咀开店，呢家香港已经有3间分店。
-
排队
我帮衬过几次，系2020年年初时食，夜晚去系唔驶排队，最近期食个时系红日放假，咁岩系年初五，食午市时已经系满座，要禁电脑罗飞等位。个时大概下午一两点，罗左2人飞，等左10-15分钟终于入座。系平时未满座时店员会尽量打散食客分开坐，等大家坐得松动舒服D。
-
环境
对比起东京本店，香港中环呢间金色不如帰大细大概有东京既3-4倍，而且系装修方面同东京有好大分别，东京店铺细每次只接7个客人，香港既设计偏向高级餐厅，有D似尖沙咀既多贺野，
-
招牌
呢间拉面有2个招牌，贝汁盐味拉面同贝汁酱油拉面，同样系128蚊碗，蛋要另外加钱，仲会收10%服务费，对比系东京只系每碗 ¥900。香港店拉面款式会依季节转换，但其他拉面同小食都唔系重点，基本上黎得试呢两款拉面就够。金色不如帰可以罗到东京米芝莲一星殊荣全靠呢个贝汁汤底，主要鲜味黎自大蚬，香港分店既汤唔系日本寄汤包过黎开水，而系每日用新鲜大蚬熬制，因为香港既新鲜大蚬同日本会唔同品种，所以东京本店创办人亲自黎香港修改左配方，令到香港食到既味道同本店一样，而因为新鲜大蚬受季节性影响，所以转季时创办人会再黎香港调整一下配方。而为左汤底做到品质同日本差唔多，香港店引入左日本ACM 净水设备，将食水预先过滤，确保饮用同使用食水都系至高品质。
因为金色不如帰系米芝莲一星拉面，店铺有拉面既建议食法，以先欣赏后品尝，首先用双手将拉面捧系手心感受下佢个温度；再感受由拉面发出独特而令人舒适既香气；之后以一小勺汤头既份量，加青葱、香草、牛肝菌酱同烟肉碎一共四款配料，去品尝汤头同配料各自带出既味道；最后就系品尝拉面，同时感受多元化既配搭食材。
-
贝汁盐味拉面💰128
贝汁盐味拉面
$128
50 浏览
3 赞好
0 留言
呢个金黄色贝汁汤底系用汤底系用自家熬制蚬汤、清鱼汤(日本系用红鲷鱼) 同豚骨汤三重汤底熬制，大蚬系用上每日新鲜直送60斤加上日本进口海盐、白松露油、牛肝菌酱、香草同烟肉碎，汤底唔添加味精，卖相系同东京本店有分别，香港既系比较深色1D。
汤既味道好鲜甜，蚬既味道非常突出，微咸带甜，配搭得非常好同平冲，除左味道仲真系做到色香味俱全，香主要系黎自白松露油同牛肝菌酱，呢两种带来既系香气而唔系味道，有大蚬既鲜甜同两样配料既香，表面睇落清澈但饮落个口系丰富同满足，有层次感，令到呢款拉面既汤好丰富完满，每次食我都会饮哂个汤，而且唔会觉得口渴，证明真系无味精，平时系香港饮到既10碗有9碗都系猪汤同鸡汤，今次难得系少有既盐味汤。
贝汁盐味拉面
$128
118 浏览
3 赞好
0 留言
而拉面既面条系自家制，用左五种唔同既面粉，包括北海道「春よ恋」、再加上几种小麦粉同石臼磨制既全麦面粉。面条会有小小麦味主要系因为北海道春之恋，可以清楚见到面条有小小麦粒。面条较幼身，接近九州既直细面，唔算吸汤，质感唔算硬比较淋身。
拉面其实要好食同突围而出，确实系需要自家制面条而唔系罗货，因为品质控制好紧要，既然用左咁多钱系个配方度，如果仲用罗货既面条，系完全浪费左呢个米芝莲既汤底。而且面条应该系要针对汤底度身而设，货罗或者由第三者去整就好难控制到面条可唔可以配合到个汤，而且代表个面条1D都唔特别，因为好食既面一定系唔外传既秘方，唔会咁易比其他人整到同知道。
配料方面有两片，一块系低温叉烧，肥瘦均称，食落嫩口软绵绵，有入口即溶既感觉，同时食到猪肉既甘香，呢个系好多拉面店既叉烧做唔到既野。
而呢一块就系三层肉，油脂比较丰富，叉烧质数可以，稍嫌叉烧厚度唔够。
-
贝汁酱油拉面💰128
贝汁酱油拉面
$128
133 浏览
1 赞好
0 留言
同样系蚬汤、清鱼汤同豚骨汤三合一既汤底，不过加左酱油、自制黑松露酱、牛肝菌粉同牛肝菌油。酱油都系用日本直送既岛根县产非加热无过滤丸大豆酱油、长野县产杉桶丸大豆酱油同石川县产非加热酱油、白酱油。
汤既味道会比盐味拉面复杂D，同埋味道较浓，饮到充满菇菌香同多左D咸香，虽然都唔会话过咸，反而其他配料会抢过大蚬既鲜甜无咁易饮到，如果想专心饮到鲜甜大蚬汤，贝汁盐味拉面会更加适合，呢款就可能钟意重味既人会钟意D。
-
🌟呢间米芝莲一星过江龙拉面，食完觉得系无中伏既，甚至系我香港既TOP3拉面，绝对系可以一食再食，而且环境甚至比系东京本店更好。除左环境，店员既服务态度都无令呢个米芝莲跌星。东京本店既服务会有D似澳牛咁，唔会系好既用餐体验，但香港食到既拉面质数，同东京已经非常接近，既然呢家去唔到旅行，无得去东京本店排两个钟先食到呢碗拉面，不妨黎呢度试一试，究竟好食既米芝莲拉面，系咩一回事。题外话，「不如帰」系日文既意思系杜鹃，所以可以睇到佢地个logo系一只金色既杜鹃。
张贴
