八沢 (筲箕灣東大街)

营业中

休息中

星期日既中午黎到屋企附近既乌冬专门店食午餐。呢间系用QR code落单架，比较环保，而且有埋图片睇，不过都有实体既餐牌既。最终我地叫左黑松露忌廉海鲜乌冬，北海道带子乌冬，盐烧白鳝，牛乳忌廉饼同烧羊架。黑松露忌廉海鲜乌冬果然系招牌，忌廉汤底好浓郁，黑松露酱绝不吝啬，捞匀食好好味。乌冬偏弹牙而且滑身，海鲜有三文鱼同带子，都足料架。北海道带子乌冬用铁锅上，有三粒带子，大大粒，汤底相对比较清，都唔错。盐烧白鳝烧到外皮好脆，落盐烧更能食到白鳝既味道，正。牛乳忌廉饼热辣辣，真系会辣嘴，系咸既，唔系甜既，入面系软绵绵既口感，外皮就炸到脆身，唔错。烧羊架完全冇羊膻味，肉质唔韧，正常水准。