Parkview (新都會廣場) (已結業)

见到两个人百六蚊有pancake 薯条鸡翼好似好吸引，仲包两杯嘢饮，所以入去谂住试吓。叫咗两杯冻奶茶，有得自己调节奶嘅份量，唔系好甜又有茶香，呢两杯冻奶茶唔错。但系重点嚟啦，个pancake嚟到首先唔系大块嘅pancake，系细块嘅pancake然后搭到好高，然后中间夹咗几旧香蕉，卖相OK，但系食落去真系好唔掂。首先啲pancake系冻嘅，然后仲要硬，讲真喺屋企整嘅水准仲好食过佢一百倍，冇蛋香同牛油香味，好似食紧旧固体嘅擦子胶碎咁。然后鸡翼同薯条整体正常，系热辣辣嘅，不过份量唔多同埋冇乜调味，啲酱都系一般般。但系讲真俾佢吸引到入嚟嘅系个pancake，连个Menu都系得pancake个样，但系真系好难食，所以唔太建议食呢个下午茶餐。