屋喔 (已結業)

同事介绍有中环有间食台湾野不错，去到两点钟，咦无咩人既，担心会唔会系伏嘅同时，同事话平时都要等几个字先有位，顿时放心，我谂应该因为过咗lunch peak hour。酥炸排骨汤面($67)个面唔错，不过不失，个人觉得汤底可以再浓味啲，相反个排骨就麻麻，冻冻地，好明显系整定。我叫咗随餐赠送嘅柳丁冰绿茶，一睇仲以为黎错，成杯橙汁咁，不过味道都真系有啲似橙汁，但有微微茶香。盐酥鸡肉燥饭($64)同事叫既，佢话啲𩠌无冻，仲有糖心蛋，好似几好。下次我会想试下个饭，全因为呢只蛋。最后走时见到门口有免费时饮提供俾等候中嘅客人，几贴心。