Canteen

营业中

休息中

今日同同事出去上环食午餐，原本谂住去嘅一间coffee Shop执咗笠，唔打唔撞入咗呢间餐厅。入去𠮶阵时差唔多一点钟，正常啲餐厅应该都差唔多满座，但见到一啲都唔满，原本仲担心唔好食，点知原来个lunch都几好味。价钱大约$98-$138，已上环来讲，属于中价。头盘叫咗个餐汤今日系薯仔蚬肉汤，个汤都几好饮见到有得食羊架，毫不犹豫选择左佢。估唔到有三件咁多，煎得好香口，唔会太过老。薄荷酱分开上非常贴心，配菜有薯蓉，食到一粒粒嘅薯仔。同事叫咗煎三文鱼卖相几好，另外两位叫咗牛扒，试食咗少少，煎得几好，火候控制得唔错。