半島漁港/阿翁火鍋館 (南昌薈)

营业中

休息中

本来想去V walk试下度小月,奈何新商场啱啱开幕,人真的太多,每间食肆都要等位轮候,朋友就建议过黎连接住既南昌屋邨商场望下睇下有无岩心水。本来觉得要去屋邨商场酒楼好惊有伏,点知都几有惊喜酒楼好大,分别有食小菜晚饭同埋打边炉,呢一晚都有八成满座。我哋一坐低,侍应就为我哋推介$1优惠,分别有乳猪/乳鸽/烧鹅等既选择呢度都几多人所以比较嘈,但胜在每张台又未算痴得好埋,所以都倾到偈。我哋叫咗一个啫啫通菜煲,鲍鱼鸡煲,$1BB猪,两个人食绝对足够bb猪一共有六件,偏肥,皮脆,但既然系$1,仲边度可以挑剔呢通菜好香,略嫌有啲黄比较老,味道都唔错既,好正常。鲍鱼鸡煲有惊喜,一煲有好似5只鲍鱼仔,本来以为都系得两只喺上面装饰下,点知好足料,味道都几惹味呢度虽然系一间屋邨酒楼,不过服务态度都几好,如果黎开南昌呢个地方,想揾间酒楼食饭可以拣呢度,而且都几干净企理。