影片
更多
2011-12-12
13 浏览
睇OR同埋KC个blog，一早已觉得呢度好吸引，不过老婆冇乜兴趣，所以到今日先安排到一个人嚟试！电话预约，店员嘅态度殷勤，感觉良好！上到去，店员亦主动介绍菜式，虽然小弟最怕人烦，不过服务确实一流！一个人食唔到好多嘢，所以叫咗一个沙律，一碟鸡翼，同埋鹅肝蛋饭。蟹子溏心蛋沙律菜新鲜爽脆，加埋沙律醋，一定唔会难食，所以其实系想试佢嘅溏心蛋。溏心蛋睇落对办，不过食落完全冇蛋味，唔好话要有日本蛋嘅蛋香，连喺超市买到嘅普通蛋都好味过佢！梅子烧鸡翼全店得我一个客，但我听到微波炉嘅「叮」一声，心知不妙！一见到碟鸡翼，即刻打个突！唔系炸架咩？我记得睇OR d相系炸到脆卜卜架㖞！不过睇返menu，佢叫烧鸡翼，唔通自己叫错咗？算啦！照食。再睇下D鸡翼，每只鸡中翼中间都界咗两刀。唔系挂！我自己BBQ烧鸡翼都唔驶界开啦，要界开嚟叮，厨师嘅功力......食落口，味道唔错，梅子味几香。不过肉质唔多嫩滑，而且热得夸张，所以更确定佢系叮热嘅！鹅肝蛋珍珠饭睇落唔错，闻起嚟几香。店员见我影完相，就想过嚟帮我捞饭，不过我都系想自己搞。移开太阳蛋，原来有D饭素喺饭面，捞埋一齐几香口。鹅肝够肥美，不过鹅肝面拍嘅粉比较厚，食落有
睇OR同埋KC个blog，一早已觉得呢度好吸引，不过老婆冇乜兴趣，所以到今日先安排到一个人嚟试！
电话预约，店员嘅态度殷勤，感觉良好！上到去，店员亦主动介绍菜式，虽然小弟最怕人烦，不过服务确实一流！
一个人食唔到好多嘢，所以叫咗一个沙律，一碟鸡翼，同埋鹅肝蛋饭。
蟹子溏心蛋沙律
菜新鲜爽脆，加埋沙律醋，一定唔会难食，所以其实系想试佢嘅溏心蛋。溏心蛋睇落对办，不过食落完全冇蛋味，唔好话要有日本蛋嘅蛋香，连喺超市买到嘅普通蛋都好味过佢！
梅子烧鸡翼
全店得我一个客，但我听到微波炉嘅「叮」一声，心知不妙！一见到碟鸡翼，即刻打个突！唔系炸架咩？我记得睇OR d相系炸到脆卜卜架㖞！
不过睇返menu，佢叫烧鸡翼，唔通自己叫错咗？算啦！照食。
再睇下D鸡翼，每只鸡中翼中间都界咗两刀。唔系挂！我自己BBQ烧鸡翼都唔驶界开啦，要界开嚟叮，厨师嘅功力......
食落口，味道唔错，梅子味几香。不过肉质唔多嫩滑，而且热得夸张，所以更确定佢系叮热嘅！
鹅肝蛋珍珠饭
睇落唔错，闻起嚟几香。店员见我影完相，就想过嚟帮我捞饭，不过我都系想自己搞。移开太阳蛋，原来有D饭素喺饭面，捞埋一齐几香口。
鹅肝够肥美，不过鹅肝面拍嘅粉比较厚，食落有D韧，影响口感。
Asahi啤酒
食物唔多对办，最正系杯啤酒！期后有另一食客嚟到，食客亦觉得不对办，一问店员就知端倪，原来呢度已易手。
之后再睇返KC个blog，原来喺回应中已提及易手一事，只怪自己爬文不够细心，睇漏咗回应部分。
张贴
