山脈流川 (已結業)

吸引我山场水远由元朗带住个仔过来的，系今日喺Facebook广告上一杯缤纷乐朱古力沙冰饮品嘅相。每次"去观塘揾食"，我都满抱期待，可惜这次的确失望。我哋两口子点一个All day breakfast，一个三文鱼菠菜意粉，一杯Oero冰山(其实我想点缤纷乐不过老公点错了…)盛惠$。All day breakfast味道一般，调味较清淡，蛋冇蛋味，薯仔亦冇香味，且沙律菜有点苦涩，幸好烟肉及鸡肉肠还尚算合格。三文鱼菠菜意粉卖相亦非常一般，意粉好碎且粘口，烟三文鱼颜色较深色唔太新鲜。最后呢杯Oero冰山对我呢个朱古力控而言卖相算吸引，饮落都算可以，但沙冰本身味道较淡靠混喺其中嘅朱古力浆搭救，系今餐唯一稍为满意嘅地方。