熨烤達人 (已結業)

通常食烧肉都食开日式嘅。经过见，唔使排队(大概8点半左右)就试咗呢间。开头入去 见到啲熨斗 心谂都几有gimmick，虽然知道呢间都已经唔算新店。因为第一次食我哋就叫咗Set, 确实价钱唔记得 餐牌写500几，再叫多少少嘢。拌菜：泡菜呀~牙菜呀~𠮶啲 就可以任添送咗一壶 唔记得系黑椒汤定胡椒汤 咁嘢，我地只觉得劲似味精汤，原全无 辣味。最失望嘅就系 牛扒应该未解冻好 就攞出嚟，因为佢地员工一手包办烧嘅肉 我哋仲食到有啲冰嘅味，如果唔系一定好好味 真搞到我地 超级美中不足。眼见三个员工， 一个乜都唔识答 叫拎嘢 又当无件事，一个冇嚟手尾放啲肉上火 乜都冇交代就走 (如果正系放去 我地都识 你埋搞啦 唔该)，好彩仲有个专业少少 会讲声烧几耐要反呀~点样烧会好啲呀～又怕猪骨附近仲有血 细心帮我哋剪开，等等。值得赞嘅就系员工会帮帮手或留意下你烧嘅嘢(可能大多数都系厚切 先会咁)。日式烧肉就少啲咁嘅员工， 好多都薄切 烧一阵就食得嘛。