影片
更多
2014-11-24
2001 浏览
参加一个女士杂志聚餐活动，美丽华酒店已经ballroom 好大，好华丽，大大盏水晶灯，楼底好高，近前台放了廿几张枱，每枱十个人，近入口处放了几个赞助摊位做推广，因为我要凑住肥髀，主办单位叫侍应帮我那围加张櫈，签到之后坐低，西餐setting，紫白衬色，bling bling 餐巾环，新鲜枱花，将自己个主菜牌（牛或鸡），侍应就送上两杯餐前饮料，有粒红桑子，我饮先知系咖啡甜酒，奶味好重，唔系我喜好，不过系酒精饮料又比咗杯肥髀？ （侍应比较后生，服务亦好嫩，应该系新手）之后有个部长行过见到，即刻好紧张提我有酒精，唔可以比小朋友，我话自己饮咗知道有酒，所以无比肥髀，我自己饮晒两杯，佢都好小心话帮我倒埋一杯，唔好比其他人见到误会！ （好惊钉牌！）之后睇下摊位，司仪见差不多上汤就叫大家返回位，枱面放咗个面包篮（有几款唔同餐包）我拣咗个黑麦包，搽香滑牛油，面包松软，香麦味，牛油软滑（一早已经放定出来软化）好好味！餐汤「南瓜粒蕃茄汤」：有粒粒爽口南瓜肉，蕃茄汤好浓，味道偏酸，好开胃，配面包面好好味！炭烧厚切牛腰肉：无问过要几成熟，见侍应一盘盘连盖推出来，再根据客人主菜餐牌去派餐，摆盘好靓，牛腰肉厚
之后睇下摊位，司仪见差不多上汤就叫大家返回位，枱面放咗个面包篮（有几款唔同餐包）我拣咗个黑麦包，搽香滑牛油，面包松软，香麦味，牛油软滑（一早已经放定出来软化）好好味！
餐汤「南瓜粒蕃茄汤」：有粒粒爽口南瓜肉，蕃茄汤好浓，味道偏酸，好开胃，配面包面好好味！
炭烧厚切牛腰肉：无问过要几成熟，见侍应一盘盘连盖推出来，再根据客人主菜餐牌去派餐，摆盘好靓，牛腰肉厚切炭烤，中间全粉红色，肉质淋身嫩口，牛肉味浓！有肉汁！所以碟内嘅酱汁唔多，唔会抢走肉本身嘅味！薯仔饼厚身，奶油味重，味道好但比较韧，唔滑！红萝卜条煮过有味！唔系白灼无味！
云呢嗱雪榚配苹果粒挞：新鲜云呢嗱籽雪榚，好香好滑，苹果粒酸酸甜甜，比想像中更好（我一向唔食苹果批）但都觉得好味，但个正方型挞底比较硬，好难切，旁边嘅莓酱已经干咗，好难沾上个挞食，不过味道几好！味道酸，可以解腻！
服务虽然嫩，但有几个senior带住，加上酒店水准，都唔会差，好似肥髀去边都要揾纸画画，佢问侍应攞纸，个后生嘅唔识反应，个senior即刻指示个后生，攞啲A4纸，唔止纸，仲会有埋个托纸板（好窝心）侍应勤快，好好笑容，食咗一餐满足愉快嘅一餐！
张贴
