影片
更多
2023-08-27
41 浏览
上次去食莆田嘅时候餐厅做紧海蛎推广优惠，今次知道餐厅推出鳗鱼菜品，即刻同屋企人嚟试吓。本身对莆田印象都唔错，价钱好亲民，环境同传统中菜馆唔同，企理有装修。店内嘅部长同侍应姐姐虽然大多系中年，但系讲嘢绝对唔粗声粗气，斯文有礼！去到一坐低侍应就冲咗壶菊花杞子茶嚟，几清香，我饮咗好多杯。仲有一碟份量唔少嘅酸菜作为餐前小食。✔️普宁豆酱焗鳗鱼$188日式鳗鱼成日食到，中式煮法鳗鱼比较少食。喺Menu见到呢个菜式系主厨推介，同埋用蒜蓉豆酱焗香，几吸引所以点咗。餐厅采用重量级活鳗鱼，食得出鳗鱼系新鲜嘅，肉质几弹牙爽口，鳗鱼切块焗，几入味。✔️石锅滑豆腐$98隔篱枱点咗呢个豆腐锅，一上枱远少少都闻到劲香，于是跟住点。外层炸过嘅滑豆腐热辣辣，非常有口感！个酱汁好好味，好浓郁，用来捞饭食应该好正！✔️福建特色海蛎煎$128呢个特色福建菜每一枱都必点，底层蛋饼底好薄，面层劲多海蛎，食落好有饱肚感。侍应提醒要配埋提供嘅辣椒酱一齐食，自己好钟意食辣嘢，加咗辣椒酱系好味啲！✔️福建海鲜卤面$118 个汤底加入咗虾仁、蛏干、花蛤、海蛎等去熬制，清清哋得嚟又有一齐熬制食材嘅味道。面条软硬度适中，几啱食。
✔️普宁豆酱焗鳗鱼$188
日式鳗鱼成日食到，中式煮法鳗鱼比较少食。喺Menu见到呢个菜式系主厨推介，同埋用蒜蓉豆酱焗香，几吸引所以点咗。餐厅采用重量级活鳗鱼，食得出鳗鱼系新鲜嘅，肉质几弹牙爽口，鳗鱼切块焗，几入味。
✔️石锅滑豆腐$98
隔篱枱点咗呢个豆腐锅，一上枱远少少都闻到劲香，于是跟住点。外层炸过嘅滑豆腐热辣辣，非常有口感！个酱汁好好味，好浓郁，用来捞饭食应该好正！
✔️福建特色海蛎煎$128
呢个特色福建菜每一枱都必点，底层蛋饼底好薄，面层劲多海蛎，食落好有饱肚感。侍应提醒要配埋提供嘅辣椒酱一齐食，自己好钟意食辣嘢，加咗辣椒酱系好味啲！
✔️福建海鲜卤面$118
个汤底加入咗虾仁、蛏干、花蛤、海蛎等去熬制，清清哋得嚟又有一齐熬制食材嘅味道。面条软硬度适中，几啱食。
张贴
