睿海御宴 (已結業)

之前已经嚟食过一次，环境舒服，嘢食高质，所以拣咗呢度encore同家人聚会。首先系丰料功夫汤，个名改得好，因为佢个造型就好似功夫茶咁，但入面其实系汤嚟嘅，而且好足料，药材同鸡脚都炆到好淋，连骨都咬得碎。跟住系青柠焗肉排，同平时食开嘅咕噜肉唔同，用青柠，个酸味再出啲，好fresh，肉排肥瘦适中。食完之后，职员仲送咗我哋每人一碗红豆沙，好足料！好浓嘅陈皮味。呢间餐厅所有嘢都好精致，分量刚刚好，食完唔会话太饱，又唔会好口渴，证明唔系落好多味精，欣赏。