kikusan

营业中

休息中

店内装修有气氛，仲可以透过透明的玻璃睇到上海面同点心既制作过程，价钱相宜，吸引好多打工仔入内用餐，而我都唔例外。我地叫左个千层猪扒担担拉面，锦绣天妇罗饭同埋鸡肉小笼包。千层猪扒担担拉面🌟🌟🌟个猪扒就唔错嘅，用猪肉搭左几层，食落几有质感，个吉列猪扒皮亦唔算厚，我平时会净系食入面块猪扒，但今次都可以连皮食。不过我唔系好钟意担担汤𠮶种味，怪怪地，食到酸酸地，冇乜花生酱味。锦绣天妇罗饭🌟🌟🌟呢个卖相就好正，天妇罗好大个，好吸晴，打卡一流。呢个就朋友食，佢话都系正常，唔难食又唔系特别好食。鸡肉小笼包🌟🌟🌟周围都系用猪肉做嘅小笼包，呢度有鸡肉，的确几特别，所以叫咗黎试。但试完真系失望，个人觉得同平时食开既小笼包冇乜分别，不过胜在个皮够薄，但我自己就觉得唔需要刻意叫黎试。