影片
更多
2023-04-29
1549 浏览
事隔两年再访湾仔星街法国菜Maison ES，季节限定嘅中法fusion菜相当有惊喜！完美糅合中法特色，从温和法式料理跟浓烈香料中取得平衡，特别欣赏软弹星斑配厚滑薯蓉+腊肠！夜晚设五道菜$1280/八道菜$1880嘅set menu，包含唔少中法fusion菜式，不过我钟意嘅星斑都系要单嗌餐厅门面尤如唯美花店，步入餐厅却别有洞天，装潢雅致配以复古家具，灯光柔和，气氛较为casual，唔会太拘谨~ 更设有半露天座位。自家制面包超好食！外皮厚身香脆，软熟富弹性，够晒热辣辣，咀嚼间咸香味慢慢渗岀。蘸软滑嘅XO酱牛油，淀粉控表示幸福感满满，同上次一样咁好食▪️Sweet Garlic Razor Clams $298以中式蒜蓉粉丝蒸海鲜为灵感嘅前菜，卖相相当精致！当鲜甜软弹嘅蛏子 遇上鱼子酱同三文鱼籽，鲜味尤其突岀。加上豉油泡沫、葱油、蒜香，又带几分家常嘅熟悉感。▪️Crispy Langoustine Wonton $288集蟹粉小笼包及炸云吞于一身嘅菜式！云吞用上西式酥皮，外层酥脆唔油腻，包满软弹虾肉。软绵沾酱混入左大闸蟹膏，蘸埋啫喱状嘅镇江醋，真系有几分食紧蟹粉小笼包嘅感觉~▪️Crispy
餐厅门面尤如唯美花店，步入餐厅却别有洞天，装潢雅致配以复古家具，灯光柔和，气氛较为casual，唔会太拘谨~ 更设有半露天座位。
自家制面包超好食！外皮厚身香脆，软熟富弹性，够晒热辣辣，咀嚼间咸香味慢慢渗岀。蘸软滑嘅XO酱牛油，淀粉控表示幸福感满满，同上次一样咁好食
▪️Sweet Garlic Razor Clams $298
以中式蒜蓉粉丝蒸海鲜为灵感嘅前菜，卖相相当精致！当鲜甜软弹嘅蛏子 遇上鱼子酱同三文鱼籽，鲜味尤其突岀。加上豉油泡沫、葱油、蒜香，又带几分家常嘅熟悉感。
▪️Crispy Langoustine Wonton $288
集蟹粉小笼包及炸云吞于一身嘅菜式！云吞用上西式酥皮，外层酥脆唔油腻，包满软弹虾肉。软绵沾酱混入左大闸蟹膏，蘸埋啫喱状嘅镇江醋，真系有几分食紧蟹粉小笼包嘅感觉~
▪️Crispy Grouper $460
全晚最钟意嘅一道！配搭够晒新鲜！厚肉嘅星斑浮游于薯仔慕丝之中，底部埋藏左腊肠同烟熏八爪鱼，仲有块经烘烤嘅鱼皮。星斑滑嫩富弹性，慕丝厚滑，鱼皮香脆，口感极之丰富。配上腊肉，风味更为独特，比想像中搭得多。唯一要挑剔嘅系薯仔慕丝忌廉味较重，较易腻，建议开心share
▪️Chu Hou Beef Filo Pastry & Steak $520
牛扒配gravy就食得多，配中式柱侯汁都系第一次，入口毫无违和感。A3和牛西冷口感软弹，富肉汁肉味。柱侯牛肉酥以西式嘅酥皮包住软腍入味嘅牛肉，虽然肉味就无旁边嘅和牛咁岀，但重口味人士又几钟意~ 略嫌酥皮香脆但欠缺层次。
▪️Cherry Chocolate Pebble
香浓朱古力mousse包住软滑嘅栗子蓉，有普洱蛋糕同雪糕作点缀，可惜茶味偏淡。不过酒鬼家姐就几钟意超浓酒味嘅cherry~
张贴
