影片
更多
2022-09-24
2129 浏览
-𝟭𝟭𝟭𝟭 𝙊𝙉𝙀𝙎 𝙍𝙚𝙨𝙩𝙖𝙪𝙧𝙖𝙣𝙩 𝙖𝙣𝙙 𝙇𝙤𝙪𝙣𝙜𝙚之前食omakase / Fine Dining 果阵都会谂唔同国家都有自己特产既野黎做唔同既菜式如果用香港菜做主题 又会可以有咩菜式呢？1111 Ones 正好就用做香港集体回忆黎做主题将香港特色融入菜式中 做出属于香港人既Fine dining🤩餐厅最近同香港漫画家 - 曹志豪先生合作 成个用餐体验就系由一张张漫画 postcard既形式去介绍每一首菜式以及当中连系分别既故事 非常有心思💞除此之外 餐厅既装潢设计亦都系卖点之一主要系以羚羊峡谷为设计灵感 周围都系橙色流线形组成开放式厨房亦都系卖点之一 客人可以坐系吧枱 睇住成个烹调过程 亦可以同Chef 有直接既互动同佢亲自讲解每一道菜式！✨Tasting Menu ($1288/pp)🥂Welcome drinks - Champagne🍞Bread - 葱油饼配黄豆酱牛油中式既葱油饼 + 黄豆酱 + 西式牛油 同以往食过既葱油饼好唔同 呢度既系非常松软 刚好微温既葱油饼将特制牛油融化 渗入啲葱油饼既纹路个酱系咸香味浓 食落香得黎唔油腻 好好味🤌👨🍳表示漫画 系香港
𝟭𝟭𝟭𝟭 𝙊𝙉𝙀𝙎 𝙍𝙚𝙨𝙩𝙖𝙪𝙧𝙖𝙣𝙩 𝙖𝙣𝙙 𝙇𝙤𝙪𝙣𝙜𝙚
之前食omakase / Fine Dining 果阵都会谂
唔同国家都有自己特产既野黎做唔同既菜式
如果用香港菜做主题 又会可以有咩菜式呢？
1111 Ones 正好就用做香港集体回忆黎做主题
将香港特色融入菜式中 做出属于香港人既Fine dining🤩
餐厅最近同香港漫画家 - 曹志豪先生合作
成个用餐体验就系由一张张漫画 postcard既形式去介绍
每一首菜式以及当中连系分别既故事 非常有心思💞
除此之外 餐厅既装潢设计亦都系卖点之一
主要系以羚羊峡谷为设计灵感 周围都系橙色流线形组成
开放式厨房亦都系卖点之一 客人可以坐系吧枱
睇住成个烹调过程 亦可以同Chef 有直接既互动同佢亲自讲解每一道菜式！
✨Tasting Menu ($1288/pp)
🥂Welcome drinks - Champagne
🍞Bread - 葱油饼配黄豆酱牛油
中式既葱油饼 + 黄豆酱 + 西式牛油
同以往食过既葱油饼好唔同 呢度既系非常松软
刚好微温既葱油饼将特制牛油融化 渗入啲葱油饼既纹路
个酱系咸香味浓 食落香得黎唔油腻 好好味🤌
👨🍳表示漫画 系香港既集体回忆 + 夕阳行业
好多人系70-80年好多人都会黎香港观摩 交流
所以佢好希望将香港集体回忆 由漫画既方式带出黎畀人知
同时又可以带大家游走香港 食尽香港美食👏
🥚Egg Waffle Rolls
Inspired by 元朗元朗真香饼家既美味蛋卷
早期系同真香饼家合作出呢道菜式 全人手制作
因为已婆婆80几岁 供应上出现问题 而转左供应商
蛋卷总共有3个味 各有特色-
1️⃣咖喱椰菜花配Osetra Caviar
真系冇谂过平时食开椰菜花可以配蛋卷 仲要加鱼子酱！
系一款充满东南亚 + 亚洲风味 食落咸鲜 有够惹味
2️⃣大蒜忌廉芹菜
用上平时家常便饭既菜去做 呢款就比较有香港特色味道
3️⃣港式珍珠奶茶吉士酱
当中既奶茶系由一班好有心既后生仔做既“师父好茶“提供
吉士酱creamy 得黎 奶茶香都好突出 蛋卷上有粒珍珠
本身以为会好奇怪 点知系意外地好食🙊
✨Salted Fish and Eggplant
Inspired by 系大澳渔港风情
👨🍳巧妙地重新演绎左香港菜 - 鱼香茄子
用炸左柴鱼 木鱼 鲣鱼 黎做既高汤
加上大澳梅香咸鱼 炒香整干 再整碎变粉同三文鱼籽
茄子上加上红菜头啫喱 令口感增添爽脆感
最后放入炒香过既葱整成既葱油
伴碟都十分令 用绿色既海苔粉造出生命之花图案
有著新生命诞生既意义 同时代表住新鱼香茄子
成个组合冇原本既油腻 浆口 好咸既味道
但保留左鱼既鲜香味 除左比之前增添口感之外
仲多左清新感觉 而且海苔味好香 好有海洋味道~
而爆汁茄子 三文鱼籽 口腔入口味道同口感同时爆开
估唔到鱼香茄子都可以变成咁高级好味既Fine dining菜
✨"Typhoon Shelter" Soft Shell Lobster
Inspired by 铜锣湾避风塘
避风塘炒蟹既灵魂之处就系个调味粉
除左有原本既材料之外再加入北海道虾子 虾干
全部磨成粉 用天妇罗形式去炸本地养殖既软壳龙虾
配法式传统沙巴翁蛋黄汁 当中有蛋黄 醋 牛油
而个软壳龙虾系半生熟 口感爽口弹牙 肉质鲜美💞
成个味道保留到避风塘既惹味之外仲增添左法式清新感
真心好味！ 唔够喉呢~
✨Consomme
Inspired by 上环永乐街一间海味店
呢个系大贝壳形碗入面放左一粒足料做既饺子
配上一块海参脆片 后上用茶壶装有既羊肚菌汤
想讲呢个真系不得了！
首先羊肚菌用左茶叶方法去风干再炖 10几个钟
系未放入菇之前于焗住焗个味出黎 就唔会有酸味
而制作汤底仲用左鸡 猪骨 菜 海参 螺头 虾干瑶柱
所以个汤好有海味既香味 完全入晒味 🤩
而饺子就非常足料 有海参 螺头 虫草花 竹笙 白酒煮蚬
个人中意个饺子 皮薄馅令 食到粒粒材料 海参既弹牙
螺头既嚼口 虫草花既咬口 白酒既香气倾涌而出 🤌
令成个组合味道更上一层楼 ✨
另外饺子上配有自家制海参脆片 外型仿效左北方锅贴
可以就咁食/ 浸汤食 其实真系好特别 有啲似日本虾干🤣
配埋汤变得少少软稔都好味 大爱💞
✨Meat
Inspired by 龙凤大礼堂既旧式婚宴食乳猪
重演绎乳猪既食法 用左3个部位 3个煮法：
1️⃣68度慢煮既乳猪 加上香脆既皮
由于原本既烧猪都系用玫瑰木去烧
为左增加玫瑰香气 侍应会香水樽喷上荔枝玫瑰露酒
可以见到香水樽系好粉红 因为系拎左玫瑰花辫整
喷完真系好香 好特别 即刻好有胃口🤭
2️⃣黑毛猪叉烧卷
用左猪颈肉同背脊 整到云石纹 食落好稔 冇筋 好好味！
叉烧下面有柱候酱萝卜 用大白萝卜汁去煮 好清甜又入味
3️⃣三层既东坡肉
Inspired by 猪脚姜 用上老字号八珍甜醋煮 好有风味
糖蒸新鲜橙皮 扮陈皮 加入食用炭
摆碟有用左菠萝purée 焦糖苹果 同日本梅甜酸酱画出黎
加埋日本蓄茄仔系隔离解腻 甜度超高！
✨Tofu
Inspired by 深水埗公和荳品厂
可以讲系港式豆乳Panna Cotta
因为用左豆浆去做布甸 上面有莲子蓉话梅Sorbet
豆味好香浓 不过较为低糖 所以用白莲子蓉提升甜度
侧边加上清新花香既桂花浆 同醋 吊番个酸味出黎
食落其实有啲似桂花酒酿丸子🤤 不过就偏酸甜酸甜
顶部仲有好令既莲花图案既Raspberry Butter Chip
✨甜品盒
木盒放有荔枝棉花糖 青花椒藤椒油蛋糕 同杏仁朱古力
估唔到连snacks 都可以咁有特色 都系冇食过既组合
最有惊喜其实系青花椒藤椒油蛋糕💞
微辣香口 蛋糕松软唔干 感觉几有助清除口腔既油腻口气
张贴
