Cuisine Culture

营业中

休息中

今日同朋友就嚟到呢一间中环比较隐世嘅法国餐厅食饭，餐厅主要都系由一个侍应打理，所以佢都几忙，不过我觉得佢嘅服务态度都几好，response几快，乐意分享下有咩好推介。焗古也芝士洋葱汤 ($68)洋葱汤饮落好暖胃，入面会有片芝士溶化，芝士嘅咸香更突出到洋葱汤甜甜地嘅感觉，系一个好配搭。面头仲会有片浸满洋葱汤嘅蒜蓉包添。法式焗蜗牛 ($98)焗牛肉蒜蓉牛油味好浓，即使佢下低嘅薯蓉都一样，好香。蜗牛肉质都几弹牙，唔错！烧蜜糖柠檬芥茶籽黑毛猪排骨配香蒜薯仔 （$219）唔好睇佢个样外表平凡，但其实佢好好味。大约有5条猪肋骨，每条都煮到好冧身又入味，唔使切啲肉都可以离骨。酱汁系柠檬芥茶籽，好浓郁，加上佢嘅沙律配菜同薯仔真系唔错㗎。香蒜牛肝菌意粉 ($138)意粉好香，会闻到阵阵嘅牛肝菌味，材料都好多，而且啲牛肝菌厚肉，有肉汁，意粉弹牙。是日甜品- 面包布甸 （$78）平时可能一般都会系酒店或者buffet先会食面包布甸，但呢度嘅面包布甸都好有水准，好好食，蛋味好重，唔会太甜或好腻。