Tokio Joe

营业中

休息中

好耐無去中環，最近返工經過呢度，發現到間之前一直無留意嘅日本菜，所以就打算試試。今次叫咗幾款嘢食，首先佢會上咗支豆先，知道作為餐前小食，正常發揮。我哋另外亦都有點咗個吞拿魚刺身沙律，吞拿魚雖然薄切，但都有十幾塊，而且好多生菜感覺好fresh。之後再上齊刺身拼盤，叫做並刺身盛盒。拼盤上面有六款，睇落好新鮮嘅刺身，包括三文魚吞拿魚劍魚，赤背等等，食落都算鮮甜，對得住個價錢。主菜就叫咗個吞拿魚刺身蟹鉗海膽丼，吞拿魚同拼盤嘅質素一樣，蟹鉗望落幾大隻，肉質都算爽口，重點係個海膽就真係好好食，好鮮同一啲苦澀味都無。LKF roll其實就係金箔吞拿魚卷同埋黑魚子龍蝦卷。兩款都唔錯，有金箔影相幾靚，不過食落都係得吞拿魚味，啲飯有用醋醃製過，酸度剛剛好。最後追加咗三文魚同吞拿魚壽司，仲有兩串牛舌，牛舌切得幾薄，燒完之後充滿油脂，值得再叫。