Tokio Joe

营业中

休息中

好耐无去中环，最近返工经过呢度，发现到间之前一直无留意嘅日本菜，所以就打算试试。今次叫咗几款嘢食，首先佢会上咗支豆先，知道作为餐前小食，正常发挥。我哋另外亦都有点咗个吞拿鱼刺身沙律，吞拿鱼虽然薄切，但都有十几块，而且好多生菜感觉好fresh。之后再上齐刺身拼盘，叫做并刺身盛盒。拼盘上面有六款，睇落好新鲜嘅刺身，包括三文鱼吞拿鱼剑鱼，赤背等等，食落都算鲜甜，对得住个价钱。主菜就叫咗个吞拿鱼刺身蟹钳海胆丼，吞拿鱼同拼盘嘅质素一样，蟹钳望落几大只，肉质都算爽口，重点系个海胆就真系好好食，好鲜同一啲苦涩味都无。LKF roll其实就系金箔吞拿鱼卷同埋黑鱼子龙虾卷。两款都唔错，有金箔影相几靓，不过食落都系得吞拿鱼味，啲饭有用醋腌制过，酸度刚刚好。最后追加咗三文鱼同吞拿鱼寿司，仲有两串牛舌，牛舌切得几薄，烧完之后充满油脂，值得再叫。