Pulau

营业中

休息中

今日返工冇带饭 ，就四出揾食。 今日嚟到新开无耐嘅中环街市， 翻新过后感觉良好，设计新颖舒适 。 地下food court有好多新餐厅可以一试 。今日就去咗食 食新加坡菜嘅“蒲罗 Pulau“食海南鸡饭$68 。鸡肉肥美白滑 ，油香十足 。鸡汤亦都好足料，有鱼蛋同埋八爪鱼粒， 并唔系水一般无味无道嘅汤。 个酱汁亦做得不错 ，尤其是个辣酱，唔会太辣啱晒我呢种唔太食得辣嘅人。 中环嚟讲68蚊都叫做合理有余。 另外仲嗌咗一份茶餐有“咖央多士加两只半熟蛋“$36。 多士作为甜品就最啱， 半溶嘅牛油浸晒落面包到 ，面包系用麦包，感觉健康一啲。 个半熟蛋都做得几好 ，橙黄色嘅蛋黄应该都系靓鸡蛋。 中环街市有充足嘅位置比人坐，亦都有水站同洗手站 ，设施齐备。