Moodie Wine & Dine

营业中

休息中

餐厅位于喺兰桂坊附近，装修优雅，仲带啲浪漫嘅气氛。秘制青苹果柚子渍带子配沙律沙律菜带子新鲜，配上清新口味嘅沙律酱汁，作为前菜都几开胃。芝士三重奏肉酱扁意大利粉呢一个意粉除咗靓之外，邪恶又好好食，佢系满满嘅芝士，意粉上面系个人最钟意嘅脆脆芝士，咸香脆口，意粉浓郁嘅芝士味，再配上香口足料嘅肉酱，值得推介。自家制提拉米苏梦幻雪糕配特浓咖啡啫喱佢啲甜品都几出色，首先呢个Tiramisu雪糕有惊喜。佢系好Creamy 细滑嘅口感，真系有Tiramisu嘅感觉，再配上特浓咖啡啫喱配合返味道，呢个唔会话太饱肚，食完咁多嘢都一定有位可以试埋呢个！ 肉桂苹果金宝Apple crumble 呢个系个人其中一样钟意嘅甜品，入边嘅苹果馅料系呢一道甜品嘅灵魂，食得出佢好足料，因为入边系满满嘅苹果同埋好香嘅玉桂味。再配合上面嘅脆脆，味道同口感都好丰富。