Moodie Wine & Dine

营业中

休息中

今日放工之后同朋友一齐去咗中环一间西班牙餐厅--Moodie Wine & Dine食晚餐。呢间餐厅真系好正，装潢非常有格调，内部采用现代摩登嘅设计，有两层，仲有一条优雅嘅旋转楼梯连接住，让人一坐低就已经感受到高级嘅气氛。🔶法式蓝芝士煮蓝青口配薯条：青口嘅份量真系好多，每一只都非常饱满，咬落去非常弹牙，充满鲜味。蓝芝士嘅浓郁味道同青口嘅鲜味完美结合，成个口感非常丰富。呢度菜仲配薯条另上，新鲜即炸，外脆内软，配埋青口嘅芝士汁，一啖咬落去，真系香到无得顶。🔶西班牙海鲜饭呢个海鲜饭真系色香味俱全，饭上面布满咗非常新鲜嘅海虾、鱿鱼同青口。米粒分明，软硬适中，而且每粒米都吸足咗浓浓嘅海鲜汁，咸香带鲜。海鲜食材鲜甜无比，同米饭嘅配搭真系非常正。🔶自家制提拉米苏梦幻雪糕配特浓咖啡啫喱自家制提拉米苏梦幻雪糕真系回味无穷。雪糕舖满咗厚厚嘅可可粉，入口有一层薄薄嘅cream，好似真嘅Tiramisu咁，让人一试就爱上。另外仲附送一小杯香浓嘅Espresso，比你可以淋上雪糕，咖啡味香气四溢，浓而不苦，增添咗层次感。细细粒嘅咖啡啫喱亦系一大亮点，增加咗口感咁多变，使呢个甜品更加令人难忘。