久久

营业中

休息中

餐厅：久久地点：中环街市菜式：台湾菜餐牌：下午茶餐牌有古早手工面，家传卤肉饭，地道小食，甜点，饮品，价钱相宜久久红烧半筋半肉面 $63久久红烧半筋半肉面大大碗，面头系牛肉同牛筋各两大件。牛肉系半筋半肉，够稔，食落骨胶原感重，味道亦啱啱好。牛筋入口即化。伴有两大条小棠菜，咸菜同葱花。个汤好清，饮落带少少酸味，送面好好食。面系白色扁身面条，偏稔，份量好多。呢个下午茶价钱抵食。自家芋泥鲜奶 加$22自家芋泥鲜奶用外卖胶杯上，大半杯系冰，下底系芋泥。鲜奶好滑，配甜甜哋嘅芋泥系啱啱好，够饮！士林盐酥鸡$46士林盐酥鸡用金属兜加张吸油纸装住，一共有9 件。盐酥鸡炸得外脆内滑，味道唔会过咸。古早台式烤香肠 $48古早台式烤香肠 一客8片，整得皮脆肉汁多，伴有蒜片可以解腻加辣。卤肉A菜 $38卤肉A菜系油墨菜上面加好多卤肉。油墨菜份量足，卤肉份星多，又嫩又够味！眼濶肚窄，最后多到要打包。今餐全部食物都满意，上菜快捷，价钱合理，地点方便。下次希望可以试试其他野食。