一緒一番酒場

营业中

休息中

系中环好少见到咁平价享受到咁高质嘅omakase，呢间位于中环士丹利街嘅一绪一番酒场，装修好有日本风味架今次试咗佢哋嘅omakase set，价钱$880/位，前菜由𩽾𩾌鱼肝配埋牛蒡同腌蒜开始，肥美嘅鱼肝入口即溶，配埋爽口嘅牛蒡，开胃一流！跟住嚟嘅鲷鱼薄切新鲜到爆，师傅刀工了得，片片透光。寿司部分用料十足，特别推介赤虾寿司，肉质爽弹，带子同北寄贝都系直送货，甜味十足。最惊喜系燕鰶鱼，师傅腌制功夫一流。串烧部分虽然简单，但个个都系精品。鸡髀菇汁多味香，鸡软骨烧到外脆内软，鸡翼腌料入味。最后个鱼子手卷，用料大方，鱼子香气配埋海苔，完美ending！最尾嘅味增汤同甜品都系水准之作。想食到记得提早book位，因为位置有限。