唐人館 (置地廣場中庭)

营业中

休息中

闲日要喺中环揾个好地方，饮个靓茶，就谂起呢间唐人馆。之前去尖沙咀分店多，第一次黎中环分店。中环分店装修更加中式，都几 grand~~去到一点左右，都已经全场满座，建议要订位。3个女士食，点左3个蒸点，3个炸点，每人一个甜品。赛螃蟹肉饺 - 皮薄，馅料都几清甜，偏清淡。传统豚肉烧卖 - 系正常既好食名炉叉烧肠粉 - 肠粉够薄够滑，但系叉烧就太碎，有少少柴。荔蓉上素盒 - 炸得非常好，好松脆，馅料唔多，细细粒，唔会好腻。萝卜丝酥饼 - 酥皮做得唔错，萝卜丝够幼细，好味~苹果叉烧酥 - 呢𠮶系店员叔叔推介，酥皮一样做得好，食到叉烧香，苹果有减腻既作用，唔错。雪胶姜汁炖奶 - 姜汁好够，奶味都浓，冬天食完暖笠笠。略嫌质地唔够细滑，有进步空间。