影片
更多
2024-12-14
632 浏览
屋企人好钟意饮茶 又听朋友讲呢间中菜评价唔错所以今个周末 family gathering 带咗屋企人嚟IFC 试吓🫖入到去好多枱都系一家人一齐嚟 望住个海饮茶 景观真系唔错 屋企人好满意🫖玄米桂花茶店员讲咗好多款唔同嘅茶俾我哋听我哋今次就拣咗玄米桂花饮落去十分之清甜 店员亦都有定时帮我哋加茶 好贴心🥢五代同堂呢个前菜一上枱真系亮眼 摆盘十分之精美 妈咪好钟意😽三款海鲜搭配两款开胃小菜有带子、鲍鱼、蛏子、蕃茄仔同簥头个人最钟意蛏子皇 泡椒点缀咗海鲜嘅鲜味 每一道小菜份量都啱啱好🥢蒜香榄菜龙虾🥢三鲜鸡油蒸野生马友鱼主菜我同屋企人各嗌咗一款龙虾同马友鱼嘅肉质都十分之嫩滑龙虾用咗蒜同榄菜炸香 味道同虾肉好夹 口感上亦都丰富咗而马友鱼鱼肉厚度十足 夹埋葱油一齐蒸好食嘅鱼果然只要简单嘅蒸法已经突显到佢嘅鲜味！亦都系我觉得最好食嘅𩠌菜之一十分之推介钟意食鱼嘅朋友试吓🥢香脆虾多士我就比较钟意食香口啲嘅嘢 所以嗌咗虾多士 呢度嘅虾多士啖啖都系虾肉 而且多士炸到啱啱好外脆内软 好出色🥢脆皮炸鲜奶呢款甜品要做得好食，同埋口感保持到嘅话系好需要甜品师傅嘅功夫一食落去觉得好松脆鲜奶喺入边炸到软度啱啱好质感好似
所以今个周末 family gathering 带咗屋企人嚟IFC 试吓🫖
入到去好多枱都系一家人一齐嚟 望住个海饮茶 景观真系唔错 屋企人好满意
🫖玄米桂花茶
店员讲咗好多款唔同嘅茶俾我哋听
我哋今次就拣咗玄米桂花
饮落去十分之清甜 店员亦都有定时帮我哋加茶 好贴心
🥢五代同堂
呢个前菜一上枱真系亮眼 摆盘十分之精美 妈咪好钟意😽
三款海鲜搭配两款开胃小菜
有带子、鲍鱼、蛏子、蕃茄仔同簥头
个人最钟意蛏子皇 泡椒点缀咗海鲜嘅鲜味 每一道小菜份量都啱啱好
🥢蒜香榄菜龙虾
🥢三鲜鸡油蒸野生马友鱼
主菜我同屋企人各嗌咗一款
龙虾同马友鱼嘅肉质都十分之嫩滑
龙虾用咗蒜同榄菜炸香 味道同虾肉好夹 口感上亦都丰富咗
而马友鱼鱼肉厚度十足 夹埋葱油一齐蒸
好食嘅鱼果然只要简单嘅蒸法已经突显到佢嘅鲜味！亦都系我觉得最好食嘅𩠌菜之一十分之推介钟意食鱼嘅朋友试吓
🥢香脆虾多士
我就比较钟意食香口啲嘅嘢 所以嗌咗虾多士 呢度嘅虾多士啖啖都系虾肉 而且多士炸到啱啱好外脆内软 好出色
🥢脆皮炸鲜奶
呢款甜品要做得好食，同埋口感保持到嘅话系好需要甜品师傅嘅功夫
一食落去觉得好松脆
鲜奶喺入边炸到软度啱啱好
质感好似啫喱咁亦都唔会太甜
🥢椒盐脆豆腐
本身以为呢度嘅炸豆腐系好似坊间咁样嘅一粒粒
原来呢度系十分之大块嘅豆腐砖！
大家记住留意返呢度嘅点心，系以件数去嗌
所以我同屋企人都超级满足
一人一大嚿
总括而言 屋企人都好满意今次嘅brunch
嘢食嘅水准，绝对符合呢度嘅价位
而且仲要有一个咁靓嘅景 真系抵晒✌🏻✌🏻✌🏻
张贴
