影片
更多
2025-02-25
0 浏览
早几日约朋友黎到中环嘅Quiero Más食西班牙菜。位高20楼有广阔嘅街景，餐厅环境好靓好宽敞，仲有个天台系露天酒吧区。晚餐时段除左有单点菜色之外，仲有个6-course Dinner Tasting Menu，可以试到多款tapas同餐厅招牌菜等，唔洗谂食咩，价钱亦合理！先有每人自选两款头盘。36-Months Iberico Jamon。咸香十足嘅风干火腿，配搭清爽嘅番茄多士，呢个组合唔错！Scallop Ceviche带子刺身。好鲜甜好滑溜嘅带子，配牛油果mousse同埋Lemongrass醋汁。呢个酱汁调得好好，酸酸甜甜辣辣，味道丰富，够晒惹味又开胃！另外再加钱升级要两只生蚝。生蚝虽然唔算好大只，但系都系好鲜好creamy。Tapas都系每人拣两款。Sweet Prawns辣椒蒜蓉虾。虾肉爽甜唔霉，蒜蓉辣椒酱汁好香口惹味，点多士都好好味。Ham & Cheese Croquettes。炸到好香脆嘅薯仔波波，入面有咸香嘅火腿芝士馅，薯仔好绵密。再黎多份升级嘅鹅肝多士配无花果酱。小小一件鹅肝多士，但系鹅肝好creamy充满油脂甘香，无花果酱嘅酸甜又平衡返油腻感。主菜拣左二人份嘅S
位高20楼有广阔嘅街景，餐厅环境好靓好宽敞，仲有个天台系露天酒吧区。
晚餐时段除左有单点菜色之外，仲有个6-course Dinner Tasting Menu，可以试到多款tapas同餐厅招牌菜等，唔洗谂食咩，价钱亦合理！
先有每人自选两款头盘。
36-Months Iberico Jamon。
咸香十足嘅风干火腿，配搭清爽嘅番茄多士，呢个组合唔错！
Scallop Ceviche带子刺身。
好鲜甜好滑溜嘅带子，配牛油果mousse同埋Lemongrass醋汁。
呢个酱汁调得好好，酸酸甜甜辣辣，味道丰富，够晒惹味又开胃！
另外再加钱升级要两只生蚝。
生蚝虽然唔算好大只，但系都系好鲜好creamy。
Tapas都系每人拣两款。
Sweet Prawns辣椒蒜蓉虾。
虾肉爽甜唔霉，蒜蓉辣椒酱汁好香口惹味，点多士都好好味。
Ham & Cheese Croquettes。
炸到好香脆嘅薯仔波波，入面有咸香嘅火腿芝士馅，薯仔好绵密。
再黎多份升级嘅鹅肝多士配无花果酱。
小小一件鹅肝多士，但系鹅肝好creamy充满油脂甘香，无花果酱嘅酸甜又平衡返油腻感。
主菜拣左二人份嘅Seafood Paella加半只波士顿龙虾。
卖相好靓，平底锅铺左海鲜饭同杂锦海鲜同半只龙虾。
海鲜饭有好浓嘅海鲜味，饭嘅湿润度同口感都啱啱好。
不过略嫌饭同海鲜嘅份量就比较少。
最后当然仲有甜品。
Crema Catalana，呢个甜品值得一试！
佢个焦糖布丁好滑溜，有突出嘅焦糖香同蛋香。
Basque Cheesecake配mixed berries sorbet。
芝士蛋糕texture比较实净𠮶种，配mixed berries sorbet系几balanced嘅配搭。
饮品方面点左两杯mocktails。
Lychee Green好推介！
系好清新嘅荔枝香配薄荷、柑橘、Ginger Ale等，入口果香十足又refreshing，好解渴。
有热带风情嘅QM Colada有浓厚椰子香同菠萝果香，口感好creamy顺滑！
张贴
