影片
更多
2024-02-11
302 浏览
今日去咗中环Stanley 11揾嘢食，呢幢大厦喺士丹利街11号，入面有好多间嘅餐厅，最后拣咗26楼嘅一绪一番酒场食晚市omakase，$880一位嘅十贯厨师发办寿司套餐，价钱合理，师傅热情，推介大家嚟试一试！🍊 前菜：柚子醋沙律、牛蒡渍、腌萝卜柚子醋同腌萝卜酸酸地好开胃，牛蒡渍亦都好爽口，清新咗口腔嘅味蕾🍊 鲷鱼薄切 鲷鱼片切得好薄，晶莹剔透，有菊花瓣同葱花做衬碟，用咗青柠汁、橄榄油同岩盐做调味，青柠汁带出鲷鱼嘅鲜味，橄榄油带出鱼身嘅顺滑感，即磨嘅岩盐亦都为鲷鱼片加上适当嘅咸味，食落去感受到啲鱼片嘅新鲜。🍊 10贯握寿司🍣北海道活北寄贝：咬落去爽口，唔似熟北寄贝咁韧🍣浜吹鲷鱼：来自冲绳嘅深海鲷鱼，油脂分布平均，鱼身上面炸过嘅木鱼干好香口🍣地金目鲷：最高级别嘅鲷鱼，火炙后嘅鱼身偏软，配上甜味噌酱🍣鱿鱼：烟靭嘅口感配上鸟梅子粉，有淡淡嘅咸香味🍣𫚕鱼：肉质丰厚，口感弹牙清爽，既有鱼脂嘅油香，亦有鲜甜味🍣酱渍吞拿鱼：吞拿鱼好厚身，用日本豉油去腌，咸度啱啱好🍣赤虾：虾身鲜甜爽口，上面配上用樱花虾磨成嘅粉末，食完成件寿司后口腔充满浓郁嘅虾味🍣海胆：海胆鲜甜配上梅粉，冇咸海水味🍣A4和牛：选用和牛
🍊 前菜：柚子醋沙律、牛蒡渍、腌萝卜
柚子醋同腌萝卜酸酸地好开胃，牛蒡渍亦都好爽口，清新咗口腔嘅味蕾
🍊 鲷鱼薄切
鲷鱼片切得好薄，晶莹剔透，有菊花瓣同葱花做衬碟，用咗青柠汁、橄榄油同岩盐做调味，青柠汁带出鲷鱼嘅鲜味，橄榄油带出鱼身嘅顺滑感，即磨嘅岩盐亦都为鲷鱼片加上适当嘅咸味，食落去感受到啲鱼片嘅新鲜。
🍊 10贯握寿司
🍣北海道活北寄贝：咬落去爽口，唔似熟北寄贝咁韧
🍣浜吹鲷鱼：来自冲绳嘅深海鲷鱼，油脂分布平均，鱼身上面炸过嘅木鱼干好香口
🍣地金目鲷：最高级别嘅鲷鱼，火炙后嘅鱼身偏软，配上甜味噌酱
🍣鱿鱼：烟靭嘅口感配上鸟梅子粉，有淡淡嘅咸香味
🍣𫚕鱼：肉质丰厚，口感弹牙清爽，既有鱼脂嘅油香，亦有鲜甜味
🍣酱渍吞拿鱼：吞拿鱼好厚身，用日本豉油去腌，咸度啱啱好
🍣赤虾：虾身鲜甜爽口，上面配上用樱花虾磨成嘅粉末，食完成件寿司后口腔充满浓郁嘅虾味
🍣海胆：海胆鲜甜配上梅粉，冇咸海水味
🍣A4和牛：选用和牛嘅肩胛肉，咬落有口感，牛味浓郁，配上姜蓉同葱花，中和左和牛嘅油腻感
银鳕鱼：火炙过后鱼油感好重，配上黑松露酱，口腔入面充满鱼香同松露香
🍊 烧物
串烧有三串，烧鸡脾肉嘅肉质嫩滑、烧鸡肾嘅口感爽口， 烧豆腐先炸后烧再配上自家制嘅麻辣酱，又香口又惹味
🍊 一绪特色汤：蚬肉昆布面豉汤
🍊 甜品：静冈蜜瓜，又甜又多汁
📍中环士丹利街11号Stanley 11 26楼
位置就脚：🍊🍊🍊🍊🍊
餐厅环境：🍊🍊🍊🍊🍊
食物味道：🍊🍊🍊🍊🍊
整体CP值：🍊🍊🍊🍊🍊
张贴
